सावंतवाडीच्या भाजप नगराध्यक्षांच्या मोटारीला अपघात 

नगराध्यक्ष संजू परब व त्यांचे सहकारी या अपघातातून बचावले. मात्र....
BJP's Sawantwadi mayor's car had an accident
BJP's Sawantwadi mayor's car had an accident

सावंतवाडी : शासकीय कामकाजासाठी ओरोस येथे जात असताना सावंतवाडीचे नगराध्यक्ष संजू परब यांच्या शासकीय गाडीला पाठीमागून येणाऱ्या मोटारीची धडक बसून अपघात झाला. ही घटना मुंबई-गोवा चौपदरीकरण मार्गावर मळगाव स्वामी धाबा सर्कल येथे शुक्रवारी (ता. 26 मार्च) दुपारी तीनच्या सुमारास घडली. 

नगराध्यक्ष संजू परब व त्यांचे सहकारी या अपघातातून बचावले. मात्र, मागे असलेल्या मोटारीतील कळणे (ता. दोडामार्ग) येथील शिवसेनेच्या संजय गवस यांच्या पायाला दुखापत झाली. या अपघाताची पोलिस ठाण्यात नोंद झाली आहे. 

नगराध्यक्ष परब व त्यांचे सहकारी काही कामानिमित्त ओरोस येथे जात होते. याचवेळी आपल्या एका खासगी कामासाठी आणि आमदार वैभव नाईक यांना वाढदिवसाच्या शुभेच्छा देण्यासाठी शिवसेनेचे दोडामार्गमधील मिलिंद नाईक, संजय गवस सहकारी कुडाळ येथे जात होते. परब यांच्या मोटारी मागोमाग त्यांची मोटार होती. 

याचवेळी रस्त्याच्या विरुद्ध दिशेला असलेल्या एका दुकानात जाण्यासाठी संजू परब यांच्या मोटारीतील चालकाने अचानक डिव्हाईडरच्या बाजूला घेतली. यामुळे मागे असलेल्या मोटारीची नगराध्यक्ष परब यांच्या मोटारीला जोरदार धडक बसली. त्यामध्ये पालिकेच्या शासकीय मोटारीचे मोठे नुकसान झाले. मात्र, नगराध्यक्ष परब यांच्या मोटारीतील कोणालाही दुखापत झाली नाही. मागच्या मोटारीत असलेले संजय गवस यांच्या पायाला दुखापत झाली. त्यांच्यावर रुग्णालयात उपचार करण्यात आले. 

या घटनेची माहिती मिळताच बीट अंमलदार शरद लवकरे व सहकारी पोलिस घटनास्थळी पोचून पंचनामा केला. या वेळी घटनास्थळी नेमळेचे सरपंच विनोद राऊळ, मळगावचे उपसरपंच हनुमंत पेडणेकर, दीपक जोशी, जितेंद्र गावकर आदींसह भाजपचे कार्यकर्ते आले होते. 

शिवसेनेचे तालुकाप्रमुख रूपेश राऊळ यांनी धाव घेत दोडामार्गमधील शिवसेनेच्या कार्यकर्त्यांची तसेच भाजपचे नगराध्यक्ष परब व त्यांच्या सहकाऱ्यांचीही चौकशी केली. याबाबत येथील पोलिस ठाण्यात अपघाताची फिर्याद मिलिंद नाईक यांनी दिली असून या अपघाताची नोंद पोलिस ठाण्यात झाली आहे, अशी माहिती बीट अंमलदार शरद लोहकरे यांनी दिली. 
 

ओरोस येथे शासकीय कामकाजासाठी जात असताना मोटारीला अपघात झाला. यात चालकाला किरकोळ दुखापत झाली; मात्र जनतेच्या आशीर्वादामुळे सुखरूप बचावलो आहे. 
-संजू परब, नगराध्यक्ष, सावंतवाडी 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com