शिवसेनेचा नगराध्यक्ष करण्यासाठी कामाला लागा  - Shiv Sena to contest Shirur Municipal Council elections on its own: Dnyaneshwar Cutake | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

शिवसेनेचा नगराध्यक्ष करण्यासाठी कामाला लागा 

नितीन बारवकर 
बुधवार, 17 मार्च 2021

शिवसेनेच्या वतीने ही निवडणूक स्वबळावर लढवली जाणार आहे.

शिरूर (जि. पुणे) : शिरूर नगर परिषदेच्या आगामी निवडणुकीत शिवसेनेचे स्वतंत्र पॅनेल उभे केले जाईल. कुणाशीही युती न करता शिवसेनेच्या वतीने ही निवडणूक स्वबळावर लढवली जाणार असल्याचे शिवसेनेचे जिल्हाप्रमुख ज्ञानेश्वर कटके यांनी जाहीर केले. नगर परिषदेसाठी स्वतंत्र पॅनेलची व्यूहरचना करताना नगराध्यक्ष शिवसेनेचाच बसेल, अशी खूणगाठ शिवसैनिकांनी मनाशी बांधावी, असे आवाहनही त्यांनी केले. 

शिवसेनेच्या शिरूर शहर व तालुक्‍यातील सभासद नोंदणी अभियानाची सुरुवात शिरूरमध्ये झाली. त्या वेळी कटके यांनी वरील आवाहन केले. शिवसेनेचे सदस्यत्व स्वीकारलेल्या तरूणांना कटके यांनी शिवबंधन बांधले. प्राथमिक सदस्य नोंदणीसाठी उभारलेल्या दालनाचे उद्‌घाटन शिवरायांच्या प्रतिमा पूजनाने झाले. शिरूर नगर परिषदेतील विरोधी पक्षनेते मंगेश खांडरे, नगरसेवक नीलेश गाडेकर, युवा सेनेचे तालुका संघटक नीलेश गवळी, पोपट ढवळे, राजेंद्र चोपडा, मंगेश कवाष्टे, स्वप्निल रेड्डी, संपत दसगुडे, आकाश चौरे, सुनिल जठार, आकाश क्षीरसागर, सिद्धांत चव्हाण, विकी उमाप, राजू शिंगोटे, ऋषिकेश शितोळे आदींसह शिवसैनिक यावेळी उपस्थित होते. 

राज्य सरकारचे जनकल्याणाचे निर्णय शिवसैनिकांनी घरोघर पोचवावेत, असे आवाहन कटके यांनी केले. ते म्हणाले, "राज्यातील महाविकास आघाडी सरकारचे प्रमुख म्हणून शिवसेनेचे पक्षप्रमुख उद्धव ठाकरे हे काम पाहात आहेत. त्यांनी मुख्यमंत्री म्हणून जनतेला दिलासा दिला आहे. सार्वजनिक हिताच्या योजनांबरोबरच; वैयक्तिक लाभाच्या अनेक योजना सरकारच्या माध्यमातून सुरू केल्या आहेत. या योजना व त्यांचे थेट लाभ समाजापर्यंत पोचविण्यासाठी शिवसैनिकांनी प्रयत्न करावेत. त्यासाठी तळागाळातील जनतेपर्यंत पोचावे. सामान्यांना या योजनांचा लाभ मिळवून देण्यासाठी वॉर्डनिहाय नियोजन करावे. शिरूरचा आगामी नगराध्यक्ष शिवसेनेचा असेल, अशी खूणगाठ शिवसैनिकांनी मनाशी बांधावी व त्यादृष्टीने आत्तापासूनच कामाला लागावे.'' 

शिरूर नगरपरिषदेची आगामी निवडणूक स्वबळावर लढण्याचा निर्णय शिवसेनेने घेतला आहे. त्यादृष्टीने पक्षबांधणी मजबूत करताना तरूणांबरोबरच समाजातील सर्व घटकांचे, विविध क्षेत्रातील मान्यवरांचे पक्षात स्वागत आहे. पक्षात येण्यास इच्छूक असणारांना सन्मानाने प्रवेश दिला जाईल व त्यांच्या ज्ञानाची, विचारांची, गुणवत्तेची व त्यांच्या क्षेत्रातील माहितीची कदर केली जाईल, असेही कटके यांनी या वेळी सांगितले. 

युवा सेनेचे शहर अधिकारी सुनील जाधव यांनी उपस्थितांचे स्वागत केले. शिवसेनेचे शहर संघटक राजेंद्र शिंदे यांनी आभार मानले. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख