हिंगोली : हिंगोली विधानसभा मतदार संघाचे आमदार तान्हाजी मुटकुळे हे साधी राहणी उच्च विचार सरणीमुळे मतदार संघात परिचित आहेत. ते शेतीत देखील काम करतात सध्या उडीद काढणी सुरू असल्याने त्यांच्या शेतातील काढलेले उडीद घरी आणल्यावर त्यांनी बुधवार ता. १६ एक ते सव्वा क्विंटल चे पंधरा पोते पाठीवर घेत ट्रँक्टर रिकामा केला. हा प्रकार पाहणारे सगळेच अवाक झाले होते.
हिंगोली विधानसभा मतदार संघातून एक वेळेस अल्पमताने पराभूत झाल्यानंतर त्यांनी पुन्हा वडीलोपार्जित शेती करून भाजपाचा झेंडा खांद्यावर घेत २०१४ च्या निवडणुकीत ते विजयी झाले. ते शेतकरी असल्याने ते सिंचनाचा अनुशेष, कयाधू नदीवरील बंधारे असे विषय व इतर विकास कामांमुळे ते २०१९ च्या विधानसभा निवडणुकीतही दुसर्‍यांदा आमदार झाले.
शेतीशी कायम बांधलेले असल्याने ते जनसंपर्क ठेवून आपल्या शेतातही वेळ देतात. यावर्षी त्यांनी दहा एकर क्षेत्रावर उडीदाचा पेरा केला होता.
बुधवारी मळणीयंत्रातून उडीद काढल्यानंतर त्यांच्या आडगाव येथील घरी शेतातून ट्रॅक्टरमध्ये आणलेले पोते त्यांनी स्वतः पाठीवर घेऊन घरामध्ये थप्पी लावली. एका पोत्यात किमान सव्वा क्विंटल माल होता. हे पोते एका दमात उचलून अशी पंधरा पोती घरात टाकत युवकांनाही लाजवेल असे काम त्यांनी केले. आमदार असूनही शेतातील उडीदाचे पोते घरात टाकल्याने ग्रामस्थही अव्वाक झाले. त्यांचा हा व्हिडीओ समाज माध्यमावर व्हायरल झाला असून त्यांच्या या साधेपणाचे कौतुक होत आहे.
आमदार मुटकुळे हे शेतात पेरणी, वखरणी, डवरणी आदी कामे देखील करतात. यामुळे शेतकरी कष्टकरी यांचे नेते म्हणून देखील परिचित आहेत. शेतकरी यांच्या पाठीशी ते सैदव उभे टाकलेले असतात. त्यामुळे ते साधी राहणी उच्च विचारसरणीचे म्हणून देखील त्यांची वेगळी ओळख आहे.
Edited By- Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.