होय, मीच बाबरी पाडली..फाशी, जन्मठेपसाठी तयार.. 

रामविलास वेंदाती म्हणाले की होय आम्हीच ही वादग्रस्त वास्तू पाडली. याचा आम्हाला गर्व आहे.
collage (5).jpg
collage (5).jpg

नवी दिल्ली  : बाबरी मशिद प्रकरणाचा अंतिम निकाल आज लागणार आहे. आज लखनऊ येथे सीबीआयचे स्पेशल कोर्ट निकाल देणार आहे. या प्रकरणातील काही आरोपी आणि विशेष न्यायाधीश एस के यादव उपस्थित झाले आहेत. 


या प्रकरणातील आरोपी रामजन्मभूमी न्यासचे सदस्य रामविलास वेदांती यांनी सांगितले की मी बाबरी मशिद पाडली. श्रीराम मंदीसाठी मला फासी झाली तरी चालेल. मी फासीसाठी तयार आहे. या प्रकरणाचा निकाल येण्यापूर्वी त्यांनी पत्रकारांना ही माहिती दिली. 

रामविलास वेंदाती म्हणाले की होय आम्हीच ही वादग्रस्त वास्तू पाडली. याचा आम्हाला गर्व आहे. याठिकाणी राम मंदीरचं होते, याचा आम्हाला विश्वास आहे. याठिकाणी मंदीरच राहील. या प्रकरणात मला जर फासी किंवा जन्मठेप झाली तरी आम्ही श्रीराम मंदीरासाठी हे सगळं स्वीकारण्यास तैयार आहोत. अयोध्येतच श्रीरामाचा जन्म झाला होता. बाबर याठिकाणी कधी आलाच नाही. मग याठिकाणी ही बाबरी मशिद कशी झाली. हीच रामाची जन्मभूमी आहे, असेही वेदांती यांनी सांगितलं.  

न्यायालयाने सर्व आरोपींना प्रत्यक्ष हजर राहण्याचे आदेश दिले आहेत. यातील काही आरोपी न्यायालयात उपस्थित आहेत. कोरोनाच्या पार्श्वभूमीवर ज्यांचे वय 75 वर्षांहून अधिक आहे, त्या आरोपींना निकालावेळी प्रत्यक्ष हजर राहू नये अशी सवलत न्यायलयाने दिली आहे. यामुळे लालकृष्ण आडवाणी, मुरली मनोहर जोशी हे व्हिडीओ कॉन्फरन्सिंगद्वारे उपस्थित राहणार आहेत.

1992 मध्ये बाबरी मशिद पाडली होती. त्यानंतर  28 वर्षांनी हा निकाल लागणार आहे. प्रकरण निकालात काढण्यासाठी सर्वोच्च न्यायालयाने निश्चित केलेली ही अंतिम तारीख आहे. इतका काळ प्रलंबित असेलल्या या प्रकरणाच्या सुनावणीला तेव्हा वेग आला जेव्हा सर्वोच्च न्यायालयाने शेवटची तारीख निश्चित केली. 

एप्रिल 2017 मध्ये सर्वोच्च न्यायालयाने दोन वर्षांच्या आत निकाल देण्याचे आदेश दिले होते. या आदेशानंतर तीनवेळा अंतिम तारीख पुढे ढकलण्यात आली होती. शेवटी 30 सप्टेंबर 2020 ला निकाल देण्यात यावा, असे आदेश देण्यात आले. या प्रकऱणातील गेल्या 18 वर्षात 17 आरोपींचा मृत्यू झाला आहे. 32 जणांविरोधात न्यायालयात निर्णय होणार आहे. 

बाबरी प्रकरणाची ट्रायल करणारे विशेष न्यायाधीश एस के यादव गेल्या वर्षी 30 सप्टेंबरला निवृत्त होणार होते. मात्र सर्वोच्च न्यायालयाने निवृत्ती रोखली होती. बाबरी मशिद प्रकरणाचा निकाल येईपर्यंत कार्यकाळ वाढवण्याचे आदेश सर्वोच्च न्यायालयाने दिले होते. त्यानंतर उत्तर प्रदेश सरकारने नोटिफिकेशन जारी केलं आणि कार्यकाळ निकाल जाहीर होईपर्यंत वाढवण्याचा निर्णय दिला. ट्रायलच्या कालावधीत न्यायाधीशांनी सर्वोच्च न्यायालयाकडे सुरक्षेची मागणी केली होती. त्याबाबतही सर्वोच्च न्यायालयाने उत्तर प्रदेश सरकारला आदेश दिले होते.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com