सीबीआयच्या आधीच ममता बॅनर्जी पोहचल्या भाच्याच्या घरी...

आज सीबीआयकडून रुजिरा बॅनर्जी यांची चौकशी केली जाणार आहे.
West Bengal CM Mamata Banerjee arrives at nephew Abhishek Banerjees residence
West Bengal CM Mamata Banerjee arrives at nephew Abhishek Banerjees residence

कोलकता : कोळसा घोटळ्याप्रकरणी सीबीआयच्या चौकशीच्या फेऱ्यात अडकलेल्या खासदार अभिषेक बॅनर्जी यांच्या पत्नीच्या मदतीसाठी मुख्यमंत्री ममता बॅनर्जी धावल्या आहेत. आज सीबीआयकडून रुजिरा बॅनर्जी यांची चौकशी केली जाणार आहे. मात्र, त्याआधीच ममतादीदी त्यांच्या घरी पोहचल्या. 

अभिषेक बॅनर्जी हे ममता बॅनर्जी यांचे भाचे आहेत. अभिषेक यांची पत्नी रुजिरा यांना सीबीआयने रविवारी चौकशीसाठी नोटीस बजावली आहे. त्यावर रुजिरा यांनी आज चौकशीसाठी तयार असल्याचे उत्तर सीबीआयला दिले होते. त्यानुसार सीबीआय अधिकाऱ्यांची टीम त्यांच्या घरी पोहचली आहे. पण त्याआधीच ममता बॅनर्जी या तिथे पोहचल्याने चर्चांना उधाण आले आहे. 

पश्चिम बंगालमधील पुढील काही दिवसांत विधानसभेच्या निवडणुका होणार आहेत. यापार्श्वभूमीवरच बॅनर्जी कुटूंबियांना त्रास देण्यासाठी केंद्र सरकारकडून सीबीआयचा वापर केला जात असल्याचा आरोप तृणमूल काँग्रेसने केला आहे. त्यामुळे बंगालमधील राजकीय वातावरण ढवळून निघाले आहे. ममता बॅनर्जी यांनी आज अभिषेक यांच्या घरी जात तृणमूल काँग्रेस त्यांच्या पाठीशी खंबीरपणे उभे असल्याचा संदेश दिला आहे. तसेच भाजपला एकप्रकारे इशारा दिल्याची चर्चा आहे. 

दरम्यान, रुजिरा यांच्या बहीण मेनका यांचीही याप्रकरणी चौकशी करण्यात येत आहे. सीबीआयच्या अधिकाऱ्यांनी सोमवारी कोलकता येथील त्यांच्या घरी चौकशी केली. सुमारे तीन तास चौकशी सुरू होती. त्यानंतर आज रुजिरा यांची चौकशी सुरू होत आहे.

काय आहे प्रकरण?

सीबीआयने मागील वर्षी नोव्हेंबर महिन्यात कोळसा चोरी रॅकेटमध्य मांझी उर्फ लाला, ईस्टर्न कोलफील्ड लिमिचेडचे महाव्यवस्थापक अमित कुमार धर, जयशे चंद्र राय आणि सुरक्षा रक्षक तन्मय दास, धनंजय राय, देबाशीष मुखर्जी यांच्यासह काही जणांवर गुन्हा दाखल केला आहे. लाला आणि इतरांनी कोळसा खाणींमध्ये बेकायदेशी खोदाई करून चोरी केल्याचा आरोप त्यांच्यावर आहे. याच प्रकरणात रुजिरा बॅनर्जी यांचीही चौकशी केली जात आहे. 

Edited By Rajanand More

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com