विकास दुबेचा एन्काऊंटर फेक नसल्याचा न्यायालयाचा निर्वाळा...उत्तर प्रदेश पोलिसांना क्लिन चीट..  - Vikas Dubey encounter Supreme court clean chit to Uttar Pradesh police  | Politics Marathi News - Sarkarnama

ब्रेकिंग न्यूज

महाराष्ट्र एटीएसची मोठी कारवाई , 7 किलोग्राम यूरेनियमसह 2 जणांना अटक. दोन्ही आरोपी मागिल अनेक दिवसांपासून ग्राहकांच्या शोधात होते. जप्त केलेल्या युरेनियमची किंमत बाजारात २१ कोटी रुपये आहे.
गृह राज्यमंत्री शंभूराज देसाई यांच्या साताऱ्यातील घरासमोर अज्ञाताने शेणी पेटवल्या, त्यामुळे साताऱ्यात एकच खळबळ उडाली आहे. पोलिसांनी या पेटवलेल्या शेणी विझवून तेथून हटविल्या आहेत .

विकास दुबेचा एन्काऊंटर फेक नसल्याचा न्यायालयाचा निर्वाळा...उत्तर प्रदेश पोलिसांना क्लिन चीट.. 

सरकारनामा ब्युरो
बुधवार, 21 एप्रिल 2021

विकास दुबे एन्काऊंटर प्रकरणी उत्तर प्रदेश पोलिसांना दिलासा मिळाला आहे.

लखनऊ : कुविख्यात गुन्हेगार विकास दुबेच्या एन्काऊंटप्रकरणी उत्तर प्रदेश पोलिसांना दिलासा मिळाला आहे. सर्वोच्च न्यायालयाने उत्तरप्रदेश पोलिसांना क्लिन चीट दिले आहे. विकास दुबे एन्काऊंटर प्रकरणी सर्वोच्च न्यायालयाने न्यायमूर्ती बी.एस. चैाहान समिती नेमली होती. या समितीने दिलेल्या अहवालात पोलिसांना क्लिन चीट दिले आहे. 

समितीने आठ महिने या प्रकरणाचा तपास केला. यात समितीला तपासादरम्यान पोलिसांनी दुबेचा एन्काऊंटर जाणीवपूर्वक केल्याचा किंवा बनावट एन्काऊंटर असल्याचे तपासात आढळलेले नाही, तसेच कोणताही साक्षीदार सापडलेला नाही, असे समितीने नमूद केलं आहे. हा एन्काऊंटर बनावट असल्याचा एकही सबळ पुरावा समितीकडे नसल्याने पोलिसांना क्लिन चीट मिळाली आहे.   

उत्तर प्रदेशात ८ पोलिसांची हत्या करुन फरारी झालेला व उज्जैनमध्ये पकडला गेलेला गँगस्टर विकास दुबे कानपूरजवळ झालेल्या चकमकीत ठार झाला होता. उज्जैनहून त्याला घेऊन येणाऱ्या पोलिस वाहनांच्या ताफ्यातली एक मोटार उलटली. त्यावेळी विकास दुबेने पळून जाण्याचा प्रयत्न केला. त्यावेळी झालेल्या चकमकीत पोलिसांनी त्याला ठार केले.  विकास दुबे याला मध्यप्रदेशातील उज्जैन येथे अटक करण्यात आली होती. उत्तरप्रदेश पोलिसांनी त्याला पकडण्यासाठी दहा पथके तयार केली होती. 

आठ दिवसांतील अनेक घडामोडींनंतर विकास दुबे अखेर मध्यप्रदेश पोलिसांच्या हाती लागला होता. एका पोलिसाचे पिस्तुल हिसकावून विकास दुबेने पळण्याचा प्रयत्न केला होता, असा दावा उत्तर प्रदेश पोलिसांनी केला आहे. त्याला घेऊन येणाऱ्या वाहनांच्या ताफ्यातली एक जीप उलटली. त्यावेळी विकास दुबेने पळून जाण्याचा प्रयत्न केला. पोलिसांनी त्याला शरण येण्याचे आवाहन केले. त्यावेळी चकमक घडली. त्यात तो गंभीर जखमी झाला. त्याला रुग्णालयात नेण्यात आले. रुग्णालयात तो मरण पावल्याचे जाहीर करण्यात आले.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख