विजय मल्ल्याला लंडन कोर्टाचा दणका ; दिवाळखोर घोषीत - Vijay Mallya UK court declares Vijay Mallya as Bankrupt-mm76 | Politics Marathi News - Sarkarnama

ब्रेकिंग न्यूज

आमदार आशुतोष काळे शिर्डी संस्थानचे अध्यक्ष तर उपाध्यक्षपदी जगदीश सावंत यांची नियुक्ती
माजी पोलिस आयुक्त परमबीर सिंह यांची याचिका फेटाळली
जगातील प्रभावशाली व्यक्तींमध्ये नरेंद्र मोदी, ममता बॅनर्जी, अदर पूनावाला
तिरुपती देवस्थान ट्रस्टच्या सदस्यपदी शिवसेनेच्या मिलिंद नार्वेकरांची वर्णी
अभिनेता सोनू सूदच्या घरावर आयकर विभागाचा छापा

विजय मल्ल्याला लंडन कोर्टाचा दणका ; दिवाळखोर घोषीत

सरकारनामा ब्युरो
मंगळवार, 27 जुलै 2021

मल्ल्याची संपत्ती जप्त करण्याचा मार्ग मोकळा झाला आहे. 

नवी दिल्ली :  हजारो कोटी रुपयांचे कर्ज बुडविणारा उद्योगपती विजय मल्ल्याला Vijay Mallya लंडनच्या Court of Englandउच्च न्यायालयाने झटका दिला आहे. न्यायालयाने मल्ल्याला दिवाळखोर म्हणून घोषित केले आहे. या निकालामुळे मल्ल्याची  संपत्ती जप्त करण्याचा मार्ग मोकळा झाला आहे. 

भारतीय स्टेट बॅंकेच्या नेतृत्वाखाली त्याचा विरोधात खटका दाखल करण्यात आला होता. हा खटला स्टेट बॅकेने जिंकला आहे. बॅकांच्या कंसोर्टियमने याबाबतची मागणी लंडनच्या उच्च न्यायालयात केली होती. भारतीय बॅकाच्या याचिकेवर सुनावणी झाली. त्यावेळी न्यायालयाने बॅकांच्या बाजूने हा निकाला दिला आहे. या निकालासोबत मल्ल्याला दिवाळखोर म्हणून न्यायालयाने घोषित केलं आहे. 

न्यायालयात भारतीय बॅंकांची बाजू टीएलटी एलएलपी या कायदेशीर फर्मने आणि बॅरिस्टर मार्सिया शेकरडेमियनने मांडली होती. ६५ वर्षांच्या मल्ल्या इतके दिवस इंग्लंडमध्ये जामिनावर राहत होता. यापुढेही जोपर्यत त्याच्या प्रत्यार्पणाची कायदेशीर प्रक्रिया पूर्ण होत नाही तोपर्यत तो जामिनावरच राहणार आहे. दरम्यान विजय मल्ल्याचा वकील फिलिप मार्शलने भारतीय न्यायालयात सुरू असलेल्या सुनावण्यांवर निर्णय येईपर्यत या आदेशाला स्थगित ठेवण्याची मागणी केली होती.

हेही वाचा : दोन तासाचा दौरा आटोपला..हुश्श..मदतीचे देवेंद्रजी बघून घेतील!
जळगाव  :  भारतीय जनता पक्षाच्या खासदार व आमदारांनी शिवसेना व त्यांच्या नेत्यांना टार्गेट केलं आहे. मुख्यमंत्री उद्धव ठाकरे यांच्या पूरपरिस्थिती पाहणी दौऱ्यावर भाजपचे खासदार उन्मेष पाटील यांनी खोचक टीका केली आहे. उद्धव ठाकरे यांनी चिपळूण पूरग्रस्तांची पाहणी केली,आज ते कोल्हापूर भागातील पूरग्रस्ताना भेटी देणार आहेत त्यावर खासदार उन्मेष पाटील यांनी ठाकरेंना टोला लगावला आहे. 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख