कोलकाता : भाजपही जवळीक असलेले भारतीय संघाचे माजी कर्णधार आणि बीसीसीआयचे विद्यमान अध्यक्ष सौरव गांगुली यांना प्रकृती अस्वस्थ्यामुळे रुग्णालयात दाखल करण्यात आल्याचे वृत्त आहे. या वृत्तानंतर क्रिकेट प्रेमींसह अनेकांना मोठा धक्का बसला आहे.
कोलकाता येथील वूडलँड्स हॉस्पीटलमध्ये त्यांना उपचारासाठी दाखल केल्याचे समजते. जीममध्ये व्यायाम करताना त्यांची तब्येत अचानक ढासळली. टाईम्स ऑफ इंडियाने दिलेल्या वृत्तानुसार त्यांना ह्रदयविकाराचा झटका आल्याने रुग्णालयात दाखल करण्यात आले आहे. काही दिवसापूर्वी रक्तदाबामध्ये चढ-उतार होत असल्याने दाक्षिणात्य सुपर‍स्‍टार रजनीकांत यांनाही उपचारासाठी रूग्णालयात दाखल केले आहे. त्यांच्यावर हैदराबाद येथील अपोलो रुग्णालयात उपचार सुरु आहेत
भारतीय संघाचे माजी कर्णधार आणि बीसीसीआयचे अध्यक्ष सौरव गांगुली यांनी ह्रदयविकाराचा झटका आल्याने रुग्णालयात दाखल करण्यात आले आहे. पश्चिम बंगालच्या मुख्यमंत्री आणि तृणमूल काँग्रेसच्या प्रमुख ममता बॅनर्जी यांनी ट्विटरच्या माध्यमातून प्रतिक्रिया दिली आहे. सौरव गांगुली यांना प्रकृती अस्वस्थ्यामुळे रुग्णालयात दाखल करण्यात आले आहे. ही बातमी धक्का देणारी आहे. ते आजारातून लवकरात लवकर बरे व्हावेत, अशी प्रार्थनाही त्यांनी केली आहे.
रजनीकांत 31 डिसेंबर रोजी आपल्या राजकीय पक्षाची घोषणा करणार होते. त्यांच्या 'अन्नाथे' या चित्रपटाचं चित्रीकरण रोखण्यात आलं होतं. कारण त्यांच्या टीममधील सहा सदस्य कोरोना पॉझिटिव्ह आढळले होते. त्यानंतर रजनीकांत यांनी स्वत:ला चेन्नईमधील आपल्या फार्महाऊसमध्ये क्वॉरन्टाईन केलं होतं. त्यांचा कोरोना अहवाल निगेटिव्ह आला आहे. अन्नाथे चित्रपटात रजनीकांत यांच्यासह नयनतारा आणि किर्ती सुरेश महत्त्वाच्या भूमिका दिसणार आहेत. सिरुथई सिवा हे या चित्रपटाचं दिग्दर्शन करत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.