काँग्रेसचे ज्येष्ठ नेते म्हणतात, "रिया निरागस.., तिची सुटका करा.."

नवी दिल्ली : "अभिनेता सुशांतसिंह राजपूत प्रकरणात अभिनेत्री रिया चक्रवर्ती ही राजकारणाचा बळी ठरली आहे, तिला जास्त त्रास देऊ नका, रिया निरागस आहे, तिची सुटका करा,"  अशी मागणी काँग्रेसचे ज्येष्ठ नेते अधीर चैाधरी यांनी केली आहे. आपल्या टि्वटरवरून चैाधरी यांनी रियाच्या सुटकेची मागणी केली आहे.  

अभिनेता सुशांत राजपूतने आत्महत्याच केली आहे, असा अहवाल एम्सनं दिल्यानंतर चौधरी यांनी रियाच्या सुटकेची मागणी केली आहे. आपल्या टि्वटमध्ये अधिर चैाधरी म्हणतात की अभिनेता सुशांतसिंहच्या निधनामुळे आपण सगळेच दुःखी आहोत. रिया निर्दोष असल्याचं मी यापूर्वी म्हटलं होतं. एम्सने दिलेल्या अहवालानंतर आता भाजपचे कार्यक्रते, प्रचार यंत्रणा एम्सच्या फॉरेन्सिक टीमवर पण आरोप करू शकते.  

"त्या" नटीबाई कोणत्या बिळात लपल्यात : कंगनावर शिवसेनेचा पुन्हा वार
 पुणे : सुशांतच्या मृत्यूचे ज्यांनी भांडवल केले, मुंबईला पाकिस्तानची, बाबराची उपमा दिली त्या नटीबाई आता कोणत्या बिळात लपल्या आहेत? हाथरसमध्ये एका तरुण मुलीवर बलात्कार करून मारले, तेथील पोलिसांनी त्या मुलीचा देह विटंबना करून काळोखात जाळला याबद्दल त्या नटीने डोळ्यात ग्लिसरीन घालूनसुद्धा दोन अश्रू ढाळले नाहीत. ज्यांनी मागच्या शंभर दिवसांत महाराष्ट्राची, मुंबई पोलिसांची यथेच्छ बदनामी केली, अशा गुप्तेश्वरी नट्या आणि ‘गुप्तेश्वर’ आता कोणते प्रायश्चित्त घेणार आहेत? असा सवाल उपस्थित करत शिवसेनेने 'सामना' च्या माध्यमातून कंगना राणावत व बिहारचे माजी पोलिस महासंचालक गुप्तेश्वर पांडे यांच्यावर निशाणा साधला आहे. मुंबईची तुलना तिने पाकिस्तान व्याप्त काश्मीरशी केल्याने शिवसेना संतापली होती. आता एम्सच्या अहवालाने शिवसेनेला पुन्हा ताकद दिली आहे. 'सामना' या आपल्या मुखपत्रातील अग्रलेखाद्वारे शिवसेनेने आपल्यावर टीका करणाऱ्यांना सुनावले आहे. जे महाराष्ट्राच्या, मराठी माणसाच्या वाटेला गेले त्यांचे साफ वाटोळे होते. बेइमान, हरामखोरांनी हे आता तरी समजून घ्यावे, असे सांगत हाथरस बलात्कार प्रकरणात शेपूट घालून बसणाऱ्यांनी महाराष्ट्राच्या मर्दानगीची परीक्षा घेऊ नये! असा इशारा या अग्रलेखात देण्यात आला आहे.