नव्या सहकाऱ्यांना मोदींचा महत्वपूर्ण सल्ला  - Modi's important advice to new colleagues | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

नव्या सहकाऱ्यांना मोदींचा महत्वपूर्ण सल्ला 

सरकारनामा ब्यूरो
गुरुवार, 8 जुलै 2021

बुधवारी शपथ घेतलेल्या ४३ मंत्र्यांपैकी ३६ मंत्र्यांचा पहिल्यांदाच मंत्रीमंडळात समावेश करण्यात आला आहे.

नवी दिल्ली : पंतप्रधान नरेंद्र मोदी (Narendra Modi) यांच्या दुसऱ्या कार्यकाळातील पहिल्या मंत्रिमंडळ विस्तारात बुधवारी ४३ मंत्र्यांनी शपथ घेतली. पहिल्याच दिवशी नरेंद्र मोदी यांनी मंत्रीमंडळातील नवीन सहकाऱ्यांना काही सल्ले दिले आहेत. यामध्ये प्रसारमाध्यमांशी जास्त बोलू नका, असेही सांगितल्याची माहिती आहे. (Modi's important advice to new colleagues) 

हेही वाचा : राणेंकडे लघु उद्योग, कराडांना अर्थ, पटलांना पंचायत राज, तर पवारांकडे आरोग्य खाते

बुधवारी शपथ घेतलेल्या ४३ मंत्र्यांपैकी ३६ मंत्र्यांचा पहिल्यांदाच मंत्रीमंडळात समावेश करण्यात आला आहे. त्यामध्ये १५ कॅबिनेट मंत्री, तर २८ राज्यमंत्री आहेत. कालच्या शपथविधीनंतर आज लगेचच मोदी २.० टीमने आपले काम सुरु केले आहे. नरेंद्र मोदी यांनी शिक्षण मंत्री धर्मेंद्र प्रधान (Dharmendra Pradhan) यांच्यासह गुरुवार (ता. ८ जुलै) देशातील वेगवेगळ्या आयआयटीच्या संचालकांशी चर्चा केली. 

जवळजवळ सर्वच नवीन मंत्र्यांनी आपला पदभार स्वीकारला आहे. मोदींनी या सर्वांना सूचना करताना १५ ऑगस्टपर्यंत दिल्लीमध्ये थांबून आपल्या मंत्रालयाचे काम समजून घ्यावे, असे सांगितल्याची माहिती समोर आली आहे. पदभार स्वीकारल्याच्या दिवशीच मोदींनी मंत्रालयाचे कामकाज सुरु करावे, अशा सुचना नवीन सहकाऱ्यांना केल्या आहेत. त्याचबरोबर प्रसारमाध्यमांशी जास्त बोलू नका, असा सल्लाही दिल्याचे समजते. 

हेही वाचा :  फडणवीस, स्थानिकांची नाराजी हिना गावितांना भोवली; मंत्रिपद हुकले

मंत्रिमंडळात आता ७७ मंत्री आहेत. त्यातील ७३ भाजप व उर्वरित ४ मंत्री घटक पक्षांचे आहेत. नवे मंत्रिमंडळात अधिक तरुण असून महिला, ओबीसी, अनुसूचित जाती-जमाती, जाट, मराठा समाजाला प्रतिनिधित्व देण्यात आले आहे.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख