धक्कादायक : ममतांच्या खासदार भाच्याला थोबाडीत मारणाऱ्याचा संशयास्पद मृत्यू

देवाशिष आचार्य असे मृत्यू झालेल्या व्यक्तीचे नाव आहे. ते मागील वर्षीपासून भाजपशी जोडले गेले होते.
Man who slapped Abhishek Banerjee dies mysteriously in west bengal
Man who slapped Abhishek Banerjee dies mysteriously in west bengal

कोलकता : पश्चिम बंगालच्या मुख्यमंत्री ममता बॅनर्जी (Mamta Banerjee) यांचे भाचे खासदार अभिषेक बॅनर्जी यांना थोबाडीत मारणाऱ्याचा गुरूवारी संशयास्पद मृत्यू झाला आहे. त्यांना काही अनोळखी व्यक्तींनी रुग्णालयात सोडले होते. पण उपचारादरम्यान त्यांचा लगेच मृत्यू झाल्याने बंगालमध्ये खळबळ उडाली आहे. हा खून असल्याचा आरोप कुटूंबियांनी केला आहे. (Man who slapped Abhishek Banerjee dies mysteriously in west bengal)

देवाशिष आचार्य असे मृत्यू झालेल्या व्यक्तीचे नाव आहे. ते मागील वर्षीपासून भाजपशी जोडले गेले होते. आचार्य  यांना मिदनापूर येथील तमलुक जिल्हा रुग्णालयात जखमी अवस्थेत दाखल करण्यात आले होते. पहाटे 4.10 वाजता काही अनोळखी व्यक्तींनी त्यांना आणून सोडल्याचे रुग्णालयातील नोंदींवरून दिसून आले आहे. त्यानंतर दुपारी त्यांचा मृत्यू झाला. कुटूंबीय रुग्णालयात दाखल झाल्यानंतर त्यांनी हा खून असल्याचा दावा केला.

देवाशिष यांनी अभिषेक बॅनर्जी यांना 2015 मध्ये थोबाडीत मारली होती. व्यासपीठावर येत आचार्य यांनी ही कृती केल्याने बॅनर्जी यांच्या कार्यकर्त्यांकडून त्यांना मारहाण कऱण्यात आली होती. या प्रकारानंतर पोलिसांनी आचार्य यांना अटक केली होती. त्यांच्यावर खूनाचा प्रयत्न केल्याचा गुन्हा दाखल करण्यात आला होता. पण देवाशिष हे मानसिक रुग्ण असल्याचे सांगितल्यानंतर बॅनर्जी यांनी विनंती केल्याने पोलिसांनी त्यांना सोडून दिले होते. बॅनर्जी यांच्या या निर्णयावर तृणमुलच्या काही नेत्यांनी नाराजी व्यक्त केली होती. 

देवाशिष यांच्या मृत्यूनंतर भाजपने आता चौकशीची मागणी केली आहे. त्यांच्या संशयास्पद मृत्यूबाबत प्रश्न उपस्थित केला जात आहेत. पोलिसांनी केलेल्या प्राथमिक तपासात देवाशिष हे 16 जून रोजी सायंकाळी दोन मित्रांसोबत घराबाहेर पडले होते. त्यानंतर ते एका चहाच्या टपरीवर थांबले. देवाशिष यांना एक फोन आल्यानंतर ते तिथून मित्रांना सोडून निघून गेले. त्यानंतर काय घडले, याचा शोध आता पोलिस घेत आहेत. 

दरम्यान, सध्या पश्चिम बंगालमध्ये निवडणुकीनंतर झालेल्या हिंसाचारावरून भाजप व तृणमूल काँग्रेस आमनेसामने आहे. भाजपकडून तृणमूलला लक्ष्य करण्यात आले असून राज्यपाल जगदीप धनखर यांच्याकडून सरकारवर टीका केली जात आहे. दोन दिवसांपासून ते दिल्लीत असून बंगालच्या स्थितीबाबत राष्ट्रपती व गृहमंत्र्यांना भेटणार असल्याची चर्चा आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in