आता स्टॅलिन देणार गांधी अन् नेहरूंना आदेश; तमिळनाडूत नवे सरकार

राज्यपाल बनवारीलाल पुरोहित यांनी शुक्रवारी सकाळी स्टॅलिन यांना मुख्यमंत्रीपदाची शपथ दिली.
M k stalin takes oath as tamilnadu chief minister
M k stalin takes oath as tamilnadu chief minister

चेन्नई : तमिळनाडूचे मुख्यमंत्री म्हणून डीएमके प्रमुख एम. के. स्टॅलिन यांनी आज शपथ घेतली. ते आज पहिल्यांदाच मुख्यमंत्रीपदी विराजमान झाले आहे. त्यांच्यासोबत 34 सदस्यांनीही मंत्रीपदाची शपथ घेतली आहे. पण मंत्रीमंडळातील मंत्र्यांच्या नावावरून आता सोशल मीडियावर वेगळीच चर्चा सुरू झाली आहे. त्यामुळे हे मंत्रीमंडळ पहिल्याच दिवशी चर्चेचा विषय बनले आहे. (M k stalin takes oath as tamilnadu chief minister)

राज्यपाल बनवारीलाल पुरोहित यांनी शुक्रवारी सकाळी स्टॅलिन यांना मुख्यमंत्रीपदाची शपथ दिली. त्यांनी 34 जणांनी मंत्रीपदाची शपथ घेतली. त्यामध्ये आर. गांधी यांच्याकडे खादी ग्रामोद्योग आणि के. एन. नेहरू यांच्याकडे नगरपालिका प्रशासन ही खाती देण्यात आली. या दोन मंत्र्यांच्या नावांमुळे सोशल मीडियावर चर्चा सुरू झाली आहे. आता गांधी आणि नेहरू यांना स्टॅलिन यांच्या हाताखाली काम करावे लागणार आहे. तर विधानसभा अध्यक्षांना गांधी व नेहरूंना बोलताना थांबवावे लागेल, अशी चर्चा होत आहे.

एम. के. स्टॅलिन यांचे पूर्ण नाव मुथुवेल करूणानिधी स्टॅलिन आहे. सोव्हियत संघ यूनियनचे प्रसिध्द नेते जोसेफ स्टॅलिन यांच्या नावावरून एम. के. स्टॅलिन यांचे आले आहे. करूणानिधी यांच्या निधनानंतर स्टॅलिन हे 2018 मध्ये डीएमकेचे अध्यक्ष बनले. त्यापूर्वी त्यांचे मोठे बंधू अलगिरी यांच्यासोबत त्यांचा राजकीय संघर्ष झाला होता. त्यातून अलगिरी यांना पक्षातून काढण्यात आले.

स्टॅलिन यांच्या मंत्रीमंडळामध्ये समावेश करण्यात आलेले आर. गांधी हे 1996 मध्ये पहिल्यांदा डीएमकेकडून रानपेट विधानसभा मतदारसंघातून निवडून आले. त्यांच्यासर कुटूंबावर उत्पन्नापेक्षा अधिक संपत्ती जमविल्याचा आरोप होता. न्यायालयाने त्यांना पुरावे नसल्याने मुक्त केले आहे. 

के. एन. नेहरू हे डीएमकेचे मुख्य सचिव आहेत. त्यांनी तिरूची पश्चिम विधानसभा मतदारसंघातून पाचव्यांदा निवडणूक लढवली होती. त्यांचे वडील काँग्रेसचे कट्टर समर्थक होते. तसेच माजी पंतप्रधान जवाहरलाल नेहरू यांच्याविषयीही त्यांना खूप आदर होता. त्यामुळे त्यांचे नाव नेहरू आहे. 1989 मध्ये पहिली निवडणूक लढल्यानंतर के. एन. नेहरू डीएमकेचे एक आधारस्तंभ बनले आहेत. 

Edited By Rajanand More


 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com