इस्लामाबाद : पाकिस्तानमधील पंजाब प्रांतात हिंदू कुटुंबातील पाच सदस्यांचे मृतदेह संशयास्पदरित्या आढळून आले आहेत. धारदार शस्त्रांनी गळा चिरून एकाच कुटुंबातील पाच सदस्यांची हत्या करण्यात आली. मुलतानच्या रहीम यार खान शहरापासून १५ किलोमीटरवर असलेल्या अबू धाबी कॉलनीत ही घटना घडली आहे. टेलर काम करणारे 36 वर्षीय राम चंद मेघवाल, त्यांची पत्नी आणि मुले यांचे मृतदेह शनिवारी (ता. ६ मार्च) सकाळी त्यांच्या घरात सापडले.
अज्ञात हल्लेखोरांनी एकाच कुटुंबातील पाच सदस्यांची हत्या केल्याने एकच खळबळ उडाली आहे. न्यूज इंटरनॅशनलच्या रिपोर्टनुसार, पाच जणांचे मृतदेह संशयास्पद अवस्थेत आढळून आले. या घटनेची माहिती मिळाल्यानंतर पोलिस तिथे पोहोचले. पाचही जणांची धारदार शस्त्रांनी हत्या करण्यात आली आहे. घटनास्थळावरून पोलिसांनी चाकू आणि कुऱ्हाड हस्तगत केली.
रहीम यार खान येथील सामाजिक कार्यकर्ता बीरबल दास म्हणाले की, रामचंद मेघवाल हे हिंदू होते. ''मेघवाल हे ३६ वर्षांचे होते. बऱ्याच वर्षांपासून ते टेलरिंगचे काम करत होते. ते शांतताप्रिय व्यक्ती होते. या घटनेने सर्वांनाच धक्का बसला आहे.''
या घटनेमुळे शहरात राहणार्या हिंदू-शीखांमध्ये भीतीचे वातावरण पसरले आहे. दुसरीकडे या घटनेनंतर पाकिस्तानी पंजाब प्रांताचे मुख्यमंत्री सरदार उस्मान बुजदार यांनी दोषींना त्वरित अटक करण्याचे आदेश दिले आहेत.
Edited By - Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.