भाजपचे आमदार बेपत्ता. एक हजारांचे बक्षिस जाहीर..

बाराबंकी (उत्तरप्रदेश) : उत्तर प्रदेश (Uttar Pradesh) बाराबंकी जिल्ह्यातील रामनगरचे भाजप आमदार शरद अवस्थी  BJP MLA Sharad Awasthi बेपत्ता झाल्याचे पोस्टर शहरात लावल्याने चर्चेचा विषय ठरलं आहे. bjp mla sharad awasthi missing in up reward of 1 thousand will be given for revealing the address poster viral 

भाजप आमदार शरद अवस्थी Sharad Awasthi यांचा पत्ता देणाऱ्या एक हजार रुपये बक्षिस देण्यात येणार असल्याचे या पोस्टरवर जाहीर करण्यात आले आहे. या पोस्टरची सध्या सोशल मीडियावर चर्चा आहे. 

 पावडर स्वरुपातील DRDOचे कोरोना औषध  2-DGचे आज वितरण... 

हे पोस्टर रामनगर विधानसभा मतदारसंघात अद्रा गाव येथे लावण्यात आले आहे. या पोस्टरवर लिहिलं आहे की आमदार शरद अवस्थी यांचा पत्ता देणाऱ्या व्यक्तीला एक हजार रुपये बक्षिस देण्यात येणार असल्याचे जाहीर करण्यात आले आहे. विधानसभा निवडणुकीनंतर आमदार अवस्थी एकदाही गावात आले नाही. गावात अनेक समस्या आहे, त्या सोडविणे गरजेचं आहे. पण अवस्थी हे मतदार संघात फिरकत नाहीत. समस्या घेऊन गावातील लोक येत असतात, पण ते भेटत नाही. त्यामुळे आम्ही आमच्या समस्था कुणाकडे मांडणार, असा सवाल गावकऱ्यांनी विचारला आहे. 

कोरोनामुळे जनतेचे हाल होत आहे. या संकटात आमदार अवस्थी यांनी जनतेला कोणतीही मदत केलेली नाही. याबाबत आमदार अवस्थी यांना विचारले असता ते म्हणाले की मला बदनाम करण्यासाठी समाजवादी पक्षाने हे काम केलं आहे. गेल्या लोकसभा निवडणुकीनंतर मी दहा वेळा माझ्या मतदारसंघात जाऊन आलो आहे, असा दावा त्यांनी केला आहे. 

Edited by : Mangesh Mahale