कर्नाटक मुख्यमंत्रीपदासाठी भाजपची चाचपणी सुरु ; या नावाची चर्चा - bjp looking for non controversial face in karnataka after bs yediyurappa | Politics Marathi News - Sarkarnama

ब्रेकिंग न्यूज

आमदार आशुतोष काळे शिर्डी संस्थानचे अध्यक्ष तर उपाध्यक्षपदी जगदीश सावंत यांची नियुक्ती
माजी पोलिस आयुक्त परमबीर सिंह यांची याचिका फेटाळली
जगातील प्रभावशाली व्यक्तींमध्ये नरेंद्र मोदी, ममता बॅनर्जी, अदर पूनावाला
तिरुपती देवस्थान ट्रस्टच्या सदस्यपदी शिवसेनेच्या मिलिंद नार्वेकरांची वर्णी
अभिनेता सोनू सूदच्या घरावर आयकर विभागाचा छापा

कर्नाटक मुख्यमंत्रीपदासाठी भाजपची चाचपणी सुरु ; या नावाची चर्चा

सरकारनामा ब्युरो
शनिवार, 24 जुलै 2021

वादग्रस्त चेहरा नसलेली व्यक्ती मुख्यमंत्री पदावर विराजमान होऊ शकते, यासाठी सध्या भाजप चाचपणी करीत आहे. 

बंगळूर : कर्नाटकचे (Karnataka) मुख्यमंत्री बी.एस. येडियुरप्पा (B.S.Yediyurappa) यांना पदावरुन हटविण्यासाठी हालचाली सुरू असताना त्यांच्या जागी भाजप (BJP)कोणाची वर्णी लावणार याकडे सगळ्याचे लक्ष लागले आहे. वादग्रस्त चेहरा नसलेली व्यक्ती मुख्यमंत्री पदावर विराजमान होऊ शकते, यासाठी सध्या भाजप चाचपणी करीत आहे. bjp looking for non controversial face in karnataka after bs yediyurappa

केंद्रीय संसदीय कार्यमंत्री प्रल्हाद जोशी यांचे नाव मुख्यमंत्रीपदासाठी अग्रेसर असल्याचे समजते. संसदेचे पावसाळी अधिवेशन सुरू असताना प्रल्हाद जोशी हे बंगळूर येथे रवाना झाले आहे. ते येथील आमदारांच्या संपर्कात आहेत. कर्नाटकातील जातीय समीकरणाच्या आधारे लिंगायत किंवा वोक्कालिगा समाजातील नेता या पदी विराजमान होऊ शकतो, अशी चर्चा राजकीय वर्तुळात आहे.  

कर्नाटकचे मुख्यमंत्री बी.एस. येडियुरप्पा यांना पदावरुन दुर होण्यास तयार असले तरी भाजपच्या अडचणी कमी झालेल्या नाहीत. कारण मुख्यमंत्रीपदी कोणाला विराजमान करायचे हे भाजपसमोर नवे संकट आहे. प्रमुख नेता बसवराज बोम्मई आणि बी.एल. संतोष यांची नावेही चर्चेत आहेत. पण प्रल्हाद जोशी यांचे नाव सर्वात पुढे आहे, पण राज्यातील नेत्यावर असलेली त्यांची पकड किती आहे याबाबत भाजप पक्षश्रेष्ठींना शंका आहे. कर्नाटकमधील जातीय समीकरणं आणि भाजपसमोरील सध्याच्या अडचणी लक्षात घेता मुख्यमंत्रीपदाची नेमणूक पुढे ढकलण्याची शक्यता नाकारता येत नाही. 

येडियुरप्पांच्या राजीनाम्याची चर्चेमुळे राज्यातील राजकीय वातावरण तापले आहे. येडियुरप्पांना पक्ष नेतृत्वाने राजीनामा द्यायला लावल्यास काही मंत्री राजीनामा देतील, अशी चर्चा सुरू आहे. यात काँग्रेस-धर्मनिरपेक्ष जनता दलाच्या (जेडीएस) आघाडी सरकारमधून भाजपमध्ये आलेल्या मंत्र्यांचा समावेश असेल, अशी चर्चा सुरू आहे. याचबरोबर येडियुरप्पांनी राजीनामा दिल्यास भाजपमध्ये फूट पडेल, अशहीही चर्चा सुरू आहे.  

मुख्यमंत्री स्वत: गाडी चालवत कोकणच्या दिशेने निघालेत का.. 
मुंबई : कोकणासह मुंबई, मध्यमहाराष्ट्राला दोन दिवसापासून झोडपले आहे. अनेक ठिकाणी दरडी कोसळून नागरिकांचा मृत्यू झाला आहे. या पार्श्वभूमीवर मुख्यमंत्र्यांनी अद्याप नुकसानग्रस्त भागाची पाहणी करण्यास दैाऱ्या केलेला नाही. यावरुन भाजपचे नेत्या चित्रा वाघ यांनी मुख्यमंत्र्यांवर निशाणा साधला आहे. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख