व्याजदरात कपात - मोदी सरकारची 24 तासांत माघार - Narendra Modi Government Back Tracks with Decision to Reduce Interest Rates on Small Savings | Politics Marathi News - Sarkarnama

व्याजदरात कपात - मोदी सरकारची 24 तासांत माघार

वृत्तसंस्था
गुरुवार, 1 एप्रिल 2021

अल्पबचत योजनांवरील व्याजदरात कपात करण्याचा आपला निर्णय नरेंद्र मोदी सरकारने अवघ्या चोवीस तासांत मागे घेतला आहे. त्यामुळे आता २०२० -२०२१ मध्ये असलेले व्याजदरच कायम राहणार आहे. हा निर्णय घेतल्याने मोदी सरकारवर मोठी टीका झाली. त्यानंतर नजरचुकीने हा निर्णय घेतल्याचे सांगत तो मागे घेण्यात आला.

नवी दिल्ली : अल्पबचत योजनांवरील व्याजदरात कपात करण्याचा आपला निर्णय नरेंद्र मोदी सरकारने अवघ्या चोवीस तासांत मागे घेतला आहे. त्यामुळे आता २०२० -२०२१ मध्ये असलेले व्याजदरच कायम राहणार आहे. हा निर्णय घेतल्याने मोदी सरकारवर मोठी टीका झाली. त्यानंतर नजरचुकीने हा निर्णय घेतल्याचे सांगत तो मागे घेण्यात आला. अर्थमंत्री निर्मला सीतारामन (Nirmala Sitaraman ) यांनी आपल्या ट्वीटर हँडलवरुन ही माहिती दिली. 

काल 31 मार्च रोजी आर्थिक वर्ष 2020-2021 ची समाप्ती झाली. या आर्थिक वर्षाच्या अखेरीस मोदी (Narendra Modi) सरकारने सर्वसामान्यांना मोठा धक्का दिला होता. सरकारने अल्पबचत योजनांवरील व्याजदरात (Interest Rates)  मोठी कपात केली आहे. नव्या आर्थिक वर्षाच्या पूर्वसंध्येला केंद्र सरकारने केलेल्या या कपाती मुळे सामान्यांना धक्का बसला  होता. Narendra Modi Government Back Tracks with Decision to Reduce Interest Rates on Small Savings 

बचत खाते, पीपीएफ, टर्म डिपॉसिट, आरडी ते वयस्कर लोकांसाठीच्या असलेल्या बचत योजनांवरील व्याजदरांमध्ये सरकारने भरभक्कम अशी कपात केली होती. ही कपात नवे आर्थिक वर्ष 2021-22 मध्ये लागू असेल असे सांगण्यात आले होते. . आज 1 एप्रिलपासून लागू झालेले हे नवे व्याजदर 30 जून 2021 पर्यंत अंमलात असतील असेही सांगण्यात आले होते.

बचत खात्यामधील जमा रकमेवर वार्षिक व्याज 4 टक्क्यांवरुन कमी करुन 3.5 टक्के करण्यात आली होती. पब्लिक प्रॉव्हींडट फंड (PPF) वर आतापर्यंत 7.1 टक्के वार्षिक व्याज मिळत होते, ते कमी करुन आता 6.4 टक्के करण्यात आले होते. 

एका वर्षाच्या जमा रकमेवरील तिमाही व्याजदर 5.5 टक्क्यांवरुन 4.4 टक्क्यांवर आणला गेला होता. वयस्कर लोकांच्या बचत योजनांवर आता 7.4 टक्क्यांऐवजी केवळ 6.5 टक्के इतकेच तिमाही व्याज मिळणार असे जाहीर करण्यात आले होते.  Narendra Modi Government Back Tracks with Decision to Reduce Interest Rates on Small Savings 

नॅशनल सेव्हींग्स सर्टिफिकेटवर 6.8 टक्क्यांऐवजी केवळ 5.9 टक्के व्याजदर दिला जाईल, सान विकास पत्रावर 6.9 टक्क्यांऐवजी 6.4 टक्के व्याज मिळेल तर मॅच्यूअर होण्याचा अवधी 124 महिन्यांवरुन वाढवून 138 महिने करण्यात आला होता. याशिवाय सुकन्या समृद्धी योजनेवरील व्याजदराला 7.6 टक्क्यांवरुन 6.9 टक्क्यांवर आणण्यात आला होता.
Edited By - Amit Golwalkar

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख