नवी दिल्ली : कोरोनावर उपकारक मानली जाणाऱ्या मलेरियारोधक हायड्रॉक्सिक्लोरोक्वीन या औषधाच्या सेवनाचे मानवी आरोग्यावर देखील विपरीत परिणाम होत असल्याचे दिसून आले आहे. ‘लान्सेट’ या वैद्यकीय नियतकालिकात हे संशोधन प्रसिद्ध करण्यात आले आहे.
सध्या रुग्णालयामध्ये दाखल करण्यात आलेल्या कोरोनाच्या ९६ हजार रुग्णांचा अभ्यास करण्यात आला होता. यामध्ये जे रूग्ण या औषधाचे सेवन करतात त्यांचा मृत्यू होण्याचा धोका अधिक असतो असे आढळून आले आहे. कोरोनाच्या संसर्गामुळे सध्या जगभर हायड्रॉक्सिक्लोरोक्वीन या औषधाला मोठी मागणी आहे, खुद्द अमेरिकेचे अध्यक्ष डोनाल्ड ट्रम्प यांनी मध्यंतरी मी देखील रोज हे औषध घेत असल्याचे विधान पत्रकार परिषदेत बोलताना केले होते. या औषधाच्या उपकारकतेबाबत वैद्यकीय चाचण्यांतून काही ठोस निष्कर्ष हाती लागत नाही तोवर त्याचा बाहेर वापर करण्याची परवानगी दिली जाऊ नये असे अभ्यासकांनी म्हटले आहे. हे औषध घेतल्याने आरोग्याला नेमका काय फायदा होता हे स्पष्ट झालेले नाही असेही संशोधकांनी म्हटले आहे.
या संशोधनामध्ये अमेरिकेतील ६७१ रूग्णालये सहभागी झाली होती, यात १४ हजार ८८८ रुग्णांना हायड्रॉक्सिक्लोरोक्वीन किंवा क्लोरोक्विन हे औषध मॅक्रोलाईड या अँटिबायोटिकशिवाय देण्यात आले होते तर अन्य ८१ हजार १४४ रुग्णांना सरकारी उपचार देण्यात आले होते. यामध्ये हायड्रॉक्सिक्लोरोक्वीन हे औषध घेणाऱ्या रुग्णांचा मृत्यूदर तुलनेने अधिक असल्याचे आढळून आले. विशेष म्हणजे ट्रम्प यांनी मात्र या संशोधनावर नाराजी व्यक्त केली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.