नवी दिल्ली : भारत आणि चीनच्या सैन्यात पूर्व लडाखमध्ये गल्वान खोऱ्यात झालेल्या संघर्षात भारताचे 20 जवान हुतात्मा झाले होते. यानंतर देशभरात चीनविरोधी वातावरण निर्माण झाले आहे. केंद्रातील मोदी सरकार काहीच कार्यवाही करीत नसल्याने विरोधी पक्षांनी सरकारला धारेवर धरले होते. आता केंद्र सरकारने लोकप्रिय टिकटॉक अॅप आणि यूसी ब्राऊजरसह 59 चिनी अॅप्सवर बंदी घातली आहे. मात्र, यातील काही अॅप्स वगळता इतर सर्व अॅप्स सुरूच राहतील, असा अंदाज तज्ज्ञ व्यक्त करीत आहे. टिकटॉक आता गुगलचे प्ले स्टोअर आणि अॅपलच्या अॅप स्टोअरमधून हटविण्यात आले आहे.
चिनी अॅप्स देशाच्या सार्वभौमतेला आणि एकात्मतेला धोका निर्माण करीत आहेत. याचबरोबर ते देशात कायदा व सुव्यस्थेचा प्रश्न निर्माण करीत आहेत. यामुळे अशा चिनी अॅप्सवर बंदी घालण्यात आली आहे, अशी माहिती केंद्रीय माहिती व दूरसंचार मंत्रालयाने दिली होती. सरकारने आता या अॅप्सवर बंदी घातली असून, त्याची कार्यवाही होण्यास काही कालावधी लागणार आहे. मंत्रालयाने अॅप्सवर घातलेल्या बंदीचे पालन इंटरनेट सेवा पुरवठादार कंपन्यां करतील. याबाबत या कंपन्यांना आदेश दिले जातात. इंटरनेट सेवा पुरवठादार कंपन्यांनी या या आदेशाचे पालन केल्यानंतर ही अॅप्स वापरणाऱ्या ग्राहकांना या अॅप्सच्या वापरावर निर्बंध घालण्यात आल्याचा संदेश येतो.
आता या बंदीचा सर्वाधिक फटका टिकटॉक आणि यूसी न्यूज या अॅप्सना बसेल. कारण हे अॅप्स लाईव्ह फीड वापरतात. त्यामुळे त्यांच्या वापरावर निर्बंध येतील. परंतु, वापरासाठी इंटरनेट कनेक्शनची आवश्यकता नसलेली अॅप्स वापरता येतील. परंतु, ही अॅप्स गुगलचे प्ले स्टोअर आणि अॅपलच्या अॅप स्टोअरमधून हटविली जातील. त्यामुळे ती नव्याने डाऊनलोड करणे शक्य होणार नाही. गल्वान खोऱ्यातील संघर्षानंतर चीनच्या वस्तूंवर बंदी घालण्याची मागणी होत होती. याचबरोबर चिनी अॅप्सवर बहिष्कार घालण्याची मागणीही जोर धरत होती. तसेच, केंद्र सरकारने अनेक चिनी कंपन्यांकडून पीएमकेअर्स फंडासाठी देणग्या घेतल्याचे समोर आले होते. यावरुन काँग्रेसने मोदी सरकारला लक्ष्य केले होते. आता सरकारने हा अॅप्सवर बंदीचा निर्णय घेऊन विरोधकांना उत्तर दिले आहे.
सरकारने बंदी घाललेली अॅप्स :
1. Tik Tok
2. Shareit
3. Kwai
4. UC Browser
5. Baidu map
6. Shein
7. Clash of Kings
8. DU battery saver
9. Helo
10. Likee
11. YouCam makeup
12. Mi Community
13. CM Browser
14. Virus Cleaner
15. APUS Browser
16. ROMWE
17. Club Factory
18. Newsdog
19. Beauty Plus
20. WeChat
21. UC News
22. QQ Mail
23. Weibo
24. Xender
25. QQ Music
26. QQ Newsfeed
27. Bigo Live
28. SelfieCity
29. Mail Master
30. Parallel Space
31. Mi Video Call - Xiaomi
32. WeSync
33. ES File Explorer
34. Viva Video - QU Video Inc
35. Meitu
36. Vigo Video
37. New Video Status
38. DU Recorder
39. Vault- Hide
40. Cache Cleaner DU App studio
41. DU Cleaner
42. DU Browser
43. Hago Play With New Friends
44. Cam Scanner
45. Clean Master - Cheetah Mobile
46. Wonder Camera
47. Photo Wonder
48. QQ Player
49. We Meet
50. Sweet Selfie
51. Baidu Translate
52. Vmate
53. QQ International
54. QQ Security Center
55. QQ Launcher
56. U Video
57. V fly Status Video
58. Mobile Legends
59. DU Privacy
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.