आग्रा : ताज महालात बाँब ठेवल्याच्या अफवेने आज सकाळपासून खळबळ उडाली. एका व्यक्तीने पोलिस नियंत्रण कक्षाला दूरध्वनी करुन ताज महालात बाँब ठेवल्याचे कळवले. त्यानंतर हा संपूर्ण परिसर रिकामा करुन तपासणी सुरु करण्यात आली. ताज महालाला भेट देणाऱ्या पर्यटकांनाही बाहेर काढण्यात आले.
पोलिसांनी दिलेल्या माहितीनुसार आग्रा पोलिसांच्या हेल्पलाईनवर हा फोन आला होता. त्यानंतर लगेचच केंद्रीय औद्योगिक सुरक्षा दलाला याची माहिती देण्यात आली. ताज महालाच्या सुरक्षा व्यवस्थेची जबाबदारी केंद्रीय औद्योगिक सुरक्षा दलाकडे आहे. दलाने लागलीच परिसराची नाकेबंदी करुन पर्यटकांना ताज महालाच्या परिसरातून बाहेर काढले.
सुरक्षा दलांनी ताजमहालाच्या परिसराची काटेकोरपणे तपासणी केली. कुठीही बाँब ठेवल्याचे आढळून आले नाही. त्यामुळे ११ वाजल्यानंतर मर्यादित पर्यटकांना परिसरात प्रवेश देण्यास सुरुवात झाली. सुरक्षा दलांना फोन करणाऱ्या व्यक्तीच्या ठिकाणाबाबत माहिती मिळाली असून त्याला घेण्यासाठी पथक रवाना करण्यात आले आहे.
Edited By- Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.