भोपाळ : मध्य प्रदेशात झालेल्या विधानसभेच्या पोटनिवडणुकीत भारतीय जनता पक्ष १८ जागांवर तर काँग्रेस ९ जागांवर आघाडीवर आहे. या ठिकाणी ३ नोव्हेंबरला पोटनिवडणुकीचे मतदान झाले होते. मध्य प्रदेशातील २३० जागांच्या विधानसभेतील २५ जागांसाठी ही निवडणूक झाली होती.
काँग्रेसच्या आमदारांनी राजीनामे देऊन भाजप मध्ये प्रवेश केला होता. त्यामुळे ही पोटनिवडणूक झाली होती. एकूण २८ जागांसाठी पोटनिवडणूक झाली. उर्वरित तीन जागांवरील विद्यमान आमदारांचे निधन झाल्याने पोटनिवडणूक घ्यावी लागली. या पोटनिवडणुकीसाठी ७०.२७ टक्के मतदान झाले होते. मध्य प्रदेशच्या १२ मंत्र्यांसह ३५५ उमेदवार निवडणुकीच्या रिंगणात होते.
बिहारमध्ये एनडीएची आघाडी
बिहार विधानसभा निवडणुकीचे सुरुवातीचे कल दुसऱ्या तासात बदलले असून आता भाजप व जनता दल (यु)च्या एनडीएने ११५ जागांवर आघाडी घेतली आहे. तर राष्ट्रीय जनता दल - काँग्रेसची महाविकास आघाडी ९७ जागांवर आघाडीवर आहे. बिहार विधानसभा निवडणुकीसाठी तीन टप्प्यांत मतदान झाले. आज सकाळी तेथे मतमोजणी सुरू आहे. बिहारचे मुख्यमंत्री नितिश कुमार आणि लालूप्रसाद यांचे पूत्र तेजस्वी यादव यांच्यात सत्ता स्थापनेसाठी चुरस आहे. आपली ही शेवटची निवडणूक असल्याचे नितीश कुमार यांनी म्हटले आहे. सुरुवातीच्या टप्प्यात महागठबंधन आघाडीवर होते. त्यामुळे राष्ट्रीय जनता दलाच्या गोटात उत्साह पसरला होता. मात्र, नंतरच्या टप्प्यात कल बदलला.
Edited By - Amit Golwlakar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.