देवेंद्र फडणवीसांची महाराष्ट्राबाहेर परीक्षा सुरु 

भाजपविरोधात महाराष्ट्रातले सर्व प्रमुख विरोधी पक्ष एकवटले असताना या कोंडीतून मार्ग काढता येईल का असा प्रश्न असतानाच फडणवीसांना वेगळ्या पीचवर खेळावे लागणार आहे. बिहारमध्ये भाजपने जिंकून येणाऱ्या जागांबाबत सातत्य राखले असले तरी नितीश कुमार यांना 'अॅन्टी इन्कमबन्सी'चा सामना करावा लागू शकेल
Litmus test of Devendra Fadanavis in Bihar Elections
Litmus test of Devendra Fadanavis in Bihar Elections

मुंबई : महाराष्ट्रात सलग दोन निवडणुकात भाजपला प्रथमच शंभरावर जागा मिळवून देणाऱ्या देवेंद्र फडणवीस यांची राज्याबाहेरची पहिली महत्वाची परीक्षा बिहार विधानसभा निवडणुकीनिमित्त सुरु होते आहे. शिवसेनेशी उत्तम संबंध ठेवण्याच्या प्रयत्नाला प्रतिसाद न मिळाल्याने जिंकूनही मुख्यमंत्रीपद हुकलेले नेते अशी फडणवीसांची सध्याची अवस्था आहे.

भाजपविरोधात महाराष्ट्रातले सर्व प्रमुख विरोधी पक्ष एकवटले असताना या कोंडीतून मार्ग काढता येईल का असा प्रश्न असतानाच फडणवीसांना वेगळ्या पीचवर खेळावे लागणार आहे. बिहारमध्ये भाजपने जिंकून येणाऱ्या जागांबाबत सातत्य राखले असले तरी  नितीश कुमार यांना 'अॅन्टी इन्कमबन्सी'चा सामना करावा लागू शकेल. सातत्याने तोच चेहरा अन प्रत्यक्षात न उतरलेल्या घोषणा या नितीशकुमार यांच्या समोरच्या समस्या आहेत तर समोर कुणीही प्रतिस्पर्धी नसणे ही मोठीच जमेची बाजू आहे.

मित्रपक्षाला न दुखावता भाजपला अधिकाधिक प्रभावी करण्याचे शिवधनुष्य फडणवीस यांना उचलावे लागेल.२८ अॉक्टोबर पासून सुरु होणाऱ्या या रणसंग्रामासाठी फडणवीस महाराष्ट्रातून कोणती कुमक नेतात, त्यांची व्यूहरचना काय, भाजपचे राष्ट्रीय अध्यक्ष जे पी नड्डा यांच्या समवेत ते कशी पावले टाकतात, याकडे बिहारबरोबरच महाराष्ट्राचेही लक्ष असेल. सुशांतसिंह मृत्यूप्रकरण, स्थलांतरीत मजूर अशामुळे बिहारचा मुंबईशी संबंध अधिकच गहिरा झाला आहे.

संपूर्ण देशाचे लक्ष लागून राहिलेल्या बिहार विधानसभा निवडणुकीसाठी मतदानाच्या तारखा जाहीर झाल्या असून तीन टप्प्यात ही निवडणूक होणार आहे. २८ ऑक्‍टोबरला पहिल्या टप्प्यासाठी, दुसऱ्या टप्प्यासाठी तीन नोव्हेंबर आणि तिसऱ्या टप्प्यासाठी सात नोव्हेंबरला मतदान होणार आहे. एकून २४३ जागांसाठी ही निवडणूक होणार आहे अशी माहिती देशाचे मुख्य निवडणूक आयुक्त सुनील अरोरा यांनी आज दिली. तसेच दिवाळीपूर्वी म्हणजे दहा नोव्हेंबरला मतमोजणी होणार असल्याचेही अरोरा यांनी सांगितले 

आज देशभर शेतकऱ्यांनी कृषी आयोगाच्या विरोधात देश बंदची हाक दिली असताना दुसरीकडे बिहारसह मध्यप्रदेशमधील पोटनिवडणूकांच्या तारखा आयोगाने जाहीर केल्या आहेत. सुनील अरोरा यांनी आज दिल्लीत पत्रकार परिषद बोलावली होती. यावेळी त्यांनी बिहार विधानसभा निवडणुकीचे वेळापत्रक जाहीर केले. 
Edited By- Amit Golwalkar

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com