मुंबई : भारतीय निवडणूक आयोगाने अभिनेता सोनू सूदची पंजाबचा स्टेट आयकॉन म्हणून नियुक्ती केली आहे. सोमवारी त्याच्या नियुक्तीसंदर्भात आयोगाकडून एक पत्रदेखील जाहीर करण्यात आले आहे. सोनू वेगवेगळ्या विषयांबाबत लोकांना जागरूक करत असतो. आता लवकरच सोनू पुन्हा एकदा एका महत्त्वाच्या विषयाबाबत लोकांच्या मनात जागरुकता निर्माण करताना दिसणार आहे. सोनू आता पंजाबमध्ये निवडणूक प्रक्रियेसंदर्भात जनजागृती करणार आहे.
याबाबत बोलताना मुख्य निवडणूक अधिकारी डॉ. एस. करुणा राजू म्हणाले, 'सोनू सूद यांना स्टेट आयकॉन म्हणून नियुक्त करण्यासाठी पंजाबच्या मुख्य निवडणूक अधिकारी कार्यालयाने भारतीय निवडणूक आयोगाला एक प्रस्ताव पाठविला होता. नुकतीच भारतीय निवडणूक आयोगाने या प्रस्तावास मंजुरी दर्शवली आहे. ज्याच्या मंजुरीस मान्यता देण्यात आली आहे.'
सोनू सूद आता पंजाबमध्ये निवडणूक प्रक्रियेसंदर्भात जनजागृती करेल. सोनू सूद मूळचा पंजाबच्या मोगा जिल्ह्यातील आहे. हिंदीव्यतिरिक्त त्याने तमीळ, तेलगू, कन्नड आणि पंजाबीसह अन्य भाषांमध्ये चित्रपट केले आहेत.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.