आमचे आमदार हरवले आहेत हो....!  - MLA Pratap Sarnaik has Missing, a poster campaign in Thane | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

आमचे आमदार हरवले आहेत हो....! 

सरकारनामा ब्यूरो
बुधवार, 16 जून 2021

ते सध्या गायब झाले आहेत.

ठाणे : टॉप्स सिक्युरिटी गैरव्यवहारप्रकरणी ईडीच्या (सक्तवसुली संचलनालय) हिटलिस्टवर असलेले शिवसेनेचे ठाण्यातील आमदार प्रताप सरनाईक हे गेल्या काही महिन्यांपासून कुठल्याही सार्वजनिक कार्यक्रमात दिसत नाहीत. ते सध्या गायब झाले आहेत. त्यावरून सरनाईक यांच्याविरोधात ठाण्यात पोस्टरबाजी करण्यात आली आहे. ‘ओवळा-माजीवाड्याचे आमदार हरवले आहेत, आपण त्यांना पाहिलंत का?’ तीन महिने झाले हो, आमचे आमदार होते ते, कुठे गेले सध्या ते, झाले गायब हो ते, असे लिहिलेले फलक सध्या ठाणे परिसरात दिसून येत आहेत. (MLA Pratap Sarnaik has Missing, a poster campaign in Thane)
 
टॉप्स सिक्युरिटी गैरव्यवहारप्रकरणी शिवसेनेचे आमदार प्रताप सरनाईक यांच्या ठाण्यातील घरावर तसेच कार्यालयावर ईडीने छापे टाकले होते. त्यावेळी ईडीने सरनाईक यांच्या मुलाला चौकशीसाठी ताब्यात घेतले होते. त्यावरून राज्यात मोठा गदरोळ झाला होता. अन्वय नाईक आत्महत्येचा मुद्दा विधानसभेत लावून धरल्यामुळे भारतीय जनता पक्षाकडून जाणून बुजून अशी कारवाई केली जात आहे, असा आरोप शिवसेनेकडून करण्यात आला होता. त्यावरून दोन पक्षांत आरोप-प्रत्यारोप रंगले होते. 

हेही वाचा : बदल न दिसल्यास दर महिन्याला मला वेल्ह्यात यावे लागेल :  सुप्रिया सुळे 

दरम्यान, ईडी आणि सीबीआयकडून महिनाभरापूर्वी प्रताप सरनाईक यांच्या लोणावळ्यातील एका रिसॉर्टवर संयुक्तपणे छापेमारी केली होती. एकंदरीतच ईडी आणि सीबीआयकडून प्रताप सरनाईक यांच्या मागे सध्या कारवाईचा मोठा ससेमिरा लागलेला आहे. ईडीची चौकशी सुरू झाल्यापासून प्रताप सरनाईक हे मात्र गायब झाले आहेत. एरवी कोणत्याही मुद्यावर आक्रमक पवित्रा घेणारे सध्या कुठे आहेत, असा प्रश्न सध्या सर्वांना पडलेले आहे. 

या सर्व प्रकरामुळे त्यांच्या ठाण्यातील मदारसंघात त्यांच्याविरोधात सध्या पोस्टरबाजी सुरू झाली आहे. ‘तीन महिने झाले हो....आमचे आमदार होते ते....कुठे गेले सध्या ते.... झाले गायब हो ते...,’ ‘ओवळा-माजिवाडा मतदारसंघ वाऱ्यावर....आमदार कागदावर’, ‘ओवळा-माजीवाड्याचे आमदार हरवले आहेत, आपण त्यांना पाहिलंत का?’ अशा आशयाची पोस्टरबाजी ठाणे परिसरात दिसून येत आहे. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख