अशा अनपेक्षित घडामोडी होतील, असे वाटले नव्हते :  आशुतोष काळे

..
ashutosh-Kale
ashutosh-Kale

नगर  : "राज्यात अशा अनपेक्षित घडामोडी होतील, असे वाटले नव्हते. शेवटच्या बैठकित कोअर कमिटीला सर्व अधिकार दिले असल्याने आम्ही आमच्या कामात होतो. अचानक झालेल्या घडामोडींबाबत काहीच माहिती नव्हते. आता मुंबईला चाललो आहे, या बैठकिनंतरच पुढील भूमिका घेऊ," असे मत कोपरगावचे आमदार आशुतोष काळे यांनी `सरकारनामा` शी बोलताना व्यक्त केले.


राज्यात सरकार स्थापनेबाबत आमदार काळे यांना काहीच माहिती नव्हते. मुख्यमंत्रीपदी देवेंद्र फडणवीस व उपमुख्यमंत्री म्हणून अजित पवार यांनी शपथ घेतल्यानंतर लोकांचे फोन सुरू झाले, याबाबत आपणही आश्चर्यचकित झालो.

असे सांगून काळे म्हणाले, `` पक्षाचे अध्यक्ष शरद पवार यांच्या आदेशाने आमदारांच्या शेवटच्या बैठकित सर्व अधिकार पक्षाच्या कोअर कमिटीला दिले होते. त्यामुळे सत्ता स्थापनेच्या वेळी आम्ही मतदारसंघात कामे करीत होतो. तिकडे अचानक काय झाले ते कळले नाही. आता मुंबईला जात आहे. बैठक झाल्यानंतर काय तो निर्णय होईल. नंतरच याबाबत बोलता येईल.``

दरम्यान, पक्षाच्या आदेशान्वये आमदार काळे शरद पवार यांच्या बैठकिसाठी रवाना झाले आहेत. या बैठकित होणाऱ्या घडामोडींनुसार ते आपला निर्णय जाहीर करणार आहेत. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com