आजचा वाढदिवस - डॉ. सुनील देशमुख

अमरावती येथील भाजपचे आमदार डॉ. सुनील देशमुख विद्यार्थी दशेपासून राजकीय चळवळीत उतरले होते. एनएसयूआयच्या माध्यमातून त्यांनी राजकारणात प्रवेश केला. डॉ. श्रीकांत जिचकार यांच्या विश्‍वासातील युवा नेता म्हणून त्यांची ओळख झाली. ते पहिल्यांदा 1999 मध्ये कॉंग्रेसचे आमदार म्हणून अचलपूर येथून निवडून आले. त्यानंतर 2004 मध्ये अमरावती मतदारसंघातून कॉंग्रेसचे उमेदवार म्हणून निवडून आले. विलासराव देशमुख यांच्या मंत्रिमंडळात ते अर्थराज्यमंत्रीही होते. 2014 च्या विधानसभा निवडणुकीपूर्वी त्यांनी भाजपत प्रवेश केला. त्यांनी अमरावती मतदारसंघातून निवडणूक लढविली व कॉंग्रेसचे रावसाहेब शेखावत यांचा पराभव केला. अमरावती शहराचा चेहरामोहरा बदलण्यात त्यांनी मोठी भूमिका बजावली आहे. शहरात उड्डाण पूल तसेच अमरावती जिल्ह्यातील सिंचन प्रकल्प पूर्ण करण्यात त्यांनी निधी उपलब्ध करून दिला.