कॉंग्रेसच्या हंगामी अध्यक्षपदी सोनिया गांधी यांची निवड

कॉंग्रेसच्या हंगामी अध्यक्षपदी सोनिया गांधी यांची निवड

नवी दिल्ली : राजीनामा मागे घेण्याचा कॉंग्रेस कार्यकारिणीचा वारंवार झालेला आग्रह राहुल गांधींनी आज पुन्हा एकदा धुडकावून लावल्यानंतर अखेर कॉंग्रेसच्या हंगामी अध्यक्षपदी सोनिया गांधी यांची निवड झाली. कॉंग्रेसचे नेते गुलाम नबी आझाद यांनी ही माहिती दिली. लोकसभा निवडणुकीतील दारुण पराभव आणि एकापाठोपाठ एक राज्यांमधून सत्ताबाहेर झाल्यानंतर कॉंग्रेस संघटनेला लागलेली गळती पाहता पक्षाची ताकद वाढवून मोदी सरकारपुढे समर्थ पर्याय निर्माण करण्याचे खडतर आव्हान नव्या अध्यक्षांपुढे असेल. अवघ्या काही आठवड्यात होणाऱ्या महाराष्ट्र, हरियाणा, झारखंड विधानसभा निवडणुकीतही नव्या अध्यक्षांच्या क्षमतेचा कस लागणार आहे. 

या नावाची घोषणा करण्यापूर्वी कॉंग्रेसचे माजी अध्यक्ष राहुल गांधी यांनी पत्रकारपरिषद घेऊन जम्मू काश्‍मीरमधील घडामोडींची चर्चा करण्यासाठी मला खास बोलावण्यात आल्याचे स्पष्ट केले. केंद्रसरकारने काश्‍मीरमधील परिस्थितीची नेमकी कल्पना द्यावी अशी मागणी राहुल गांधी यांनी केली. याबाबत सरकारने पारदर्शकपणाने माहिती द्यावी असाही आग्रह त्यांनी धरला. अध्यक्षपदाबाबत काय होणार याबद्दलचे उत्तर त्यांनी थेट देण्याचे टाळले होते. मला खास या विषयावर चर्चा करण्यासासाठी मला बोलावले होते असे त्यांनी सांगितले. काश्‍मीरमधल्या घडामोडीबाबत चिंता असल्याने आम्ही त्यावर चर्चा करत आहोत असे त्यांनी सांगितले. मात्र कॉंग्रेस अध्यक्षपदाच्या निवडीची बैठक थांबविली गेल्याचे त्यांच्या वक्तव्यावरून यावेळी स्पष्ट झाले. 

कॉंग्रेस मुख्यालयात सकाळी अकराच्या सुमारास सोनिया गांधी, मावळते कॉंग्रेस अध्यक्ष राहुल गांधी, प्रियांका गांधी, डॉ. मनमोहनसिंग यांच्या उपस्थितीत कार्यकारिणीच्या बैठकीस सुरवात झाली. मुख्यालयाबाहेर कार्यकर्त्यांची राहुल गांधी, प्रियांका गांधी जिंदाबादची घोषणाबाजी सुरू असताना बैठकीत राहुल यांनी राजीनामा मागे घेण्याचा पक्ष नेत्यांचा आग्रह नाकारला. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com