मुंबई जिल्हा परिषद अध्यक्षपदाची निवडणूक उदया ता 21 रोजी होणार असतानाच शिवसेनेने आक्रमकता कायम ठेवत जिल्हा परिषद अध्यक्षपदाच्या निवडणुकीत भाजपशी कोणत्याही परिस्थितीत हातमिळवणी करू नका असा निरोप दिला आहे.भाजपशी हातमिळवणी केर्लंयास शिवसेनेचे सहा ठिकाणी अध्यक्ष निवडून आले असते,कॉंग्रेस राष्ट्रवादी कॉंग्रेसची साथ धरल्यास हा आकडा आठवर जातो.त्यामुळे मातोश्रीवरून कोणतेही आदेश न देता युतीसंबंधीचा निर्णय स्थानिक कार्यकर्त्यांवर सोडून दयायचा असा विचार शिवसेनेत पुढे आला होता मात्र निवडणुकीच्या केवळ काही तास आधी भाजपला मदत करू नका असा फतवा मातोश्रीने काढला आहे असे सांगण्यात येत होते.
शिवसेनेने यासंदर्भात कोणतीही औपचारिक प्रतिक्रिया न देण्याचे ठरवल्याने युतीतील दरी आणखी वाढते आहे असे चित्र निर्माण झाले आहे.भाजपने विदर्भातील तीन चंद्रपूर ,वर्धा ,गडचिरोली उत्तर महाराष्ट्रातील जळगाव तसेच एक अन्य मराठवाडयातील लातूर ,बीड ,जालना तसेच औरंगाबाद जिल्हा परिषदा हातात घेण्याची तयारी पूर्ण केली आहे.पश्‍चिम महाराष्ट्रातील कोल्हापूर आणि सांगली येथे भाजपच्या चिन्हावर तर सोलापुरात अपक्षाला पाठिंबा देवून निवडणूक जिंकण्याची व्यूहरचना जवळपास पूर्ण केली असतानाच सेनेने या सर्व ठिकाणी भाजपचे मनसुबे धुळीत मिळवण्याची तयारी सुरू ठेवली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.