बाळासाहेबांना अभिवादन करण्यासाठी शिवतीर्थावर शिवसैनिकांची रांग

शिवसेनाप्रमुख बाळासाहेब ठाकरे यांच्या पाचवा स्मृतीदिनाच्या निमित्ताने राज्यभरातून शिवसैनिक बाळासाहेबांच्या स्मृतीस्थळाच्या दर्शनासाठी आज शिवतीर्थावर येत आहेत. बाळासाहेबांच्या आठवणींना उजाळा देत स्मृतीस्थळाच्या दर्शनासाठी शिवसैनिकांची रांग शिवतीर्थावर लागली आहे.
बाळासाहेबांना अभिवादन करण्यासाठी शिवतीर्थावर शिवसैनिकांची रांग

मुंबई : शिवसेनाप्रमुख बाळासाहेब ठाकरे यांच्या पाचवा स्मृतीदिनाच्या निमित्ताने राज्यभरातून शिवसैनिक बाळासाहेबांच्या स्मृतीस्थळाच्या दर्शनासाठी आज शिवतीर्थावर येत आहेत. बाळासाहेबांच्या आठवणींना उजाळा देत स्मृतीस्थळाच्या दर्शनासाठी शिवसैनिकांची रांग शिवतीर्थावर लागली आहे.

सकाळपासून मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, महसूल मंत्री चंद्रकांत पाटील, मंत्री दीपक केसरकर, शालेय शिक्षण मंत्री विनोद तावडे, मंत्री प्रकाश मेहता, पर्यावरण मंत्री रामदास कदम, माजी मुख्यमंत्री मनोहर जोशी, खासदार अनिल देसाई, खासदार विनायक राऊत, शिवसेनेच्या नेत्या नीलम गोऱ्हे, मुंबईचे महापौर विश्वनाथ महाडेश्वर आदी नेत्यांनी स्मृती स्थळावर अभिवादन केले. उद्धव ठाकरे यांच्या पत्नी रश्मी ठाकरे, पुत्र आदित्य ठाकरे आदी स्मृती स्थळाजवळ सकाळपासूनच उपस्थीत होते, तर स्मिता ठाकरे आपल्या मुलांसोबत आल्या होत्या.

लवकरात लवकर बाळासाहेबांचे स्मारक व्हावे अशी इच्छा उपस्थित शिवसैनिक यावेळी व्यक्त करत होते. बाळासाहेबांना आदरांजली वाहण्यासाठी शिवाजी पार्कवर बाळासाहेब ठाकरेंचं वाळू शिल्प तयार करण्यात आले आहे. लक्ष्मी कांबळे यांनी हे शिल्प साकारले आहे.

दरम्यान, बाळासाहेबांच्या स्मृतीदिनाच्या निमित्ताने शिवसेनेकडून शेतकऱ्यांच्या मदतीसाठी जमा केलेले दोन कोटी रुपये मुख्यमंत्री सहाय्यता निधीला देण्यात येणार आहेत. मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे बाळासाहेबांच्या स्मृतीदिनानिमित्त एकत्र येणार आहेत. दोघांच्या उपस्थितीत आज महापौर निवासात, बाळासाहेब ठाकरे राष्ट्रीय स्मारक वेबसाईटचे लोकार्पण करण्यात येणार आहे. यावेळी भाजप सेनेच्या वाढत्या दुराव्यात मुख्यमंत्री काय बोलतात याकडे राजकिय वर्तुळाचे लक्ष लागले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com