संतप्त शिवसैनिकांच्या देवेंद्र फडणविसांविरोधात शिवतीर्थावर घोषणा 

संतप्त शिवसैनिकांच्या देवेंद्र फडणविसांविरोधात शिवतीर्थावर घोषणा 

मुंबई : शिवसेनाप्रमुख बाळासाहेब ठाकरे यांच्या पुण्यतिथीनिमित्त अभिवादन करण्यासाठी शिवाजीपार्कवर गेलेले माजी मुख्यमंत्री देवेंद्र फडणवीस यांना शिवसैनिकांच्या संतापाला सामोरे जावे लागले. "" मी पुन्हा येईन, मी पुन्हा येईन !'' अशा घोषणा देत फडणविसांना विरोध करतानाच दुसरीकडे "उद्धव ठाकरे आगे बढो, हम तुम्हारे साथ है ! '' अशा घोषणा देऊन शिवसैनिकांनी परिसर दुमदुमून सोडला. 

विधानसभेचे निकाल लागले. महायुतीला जनादेश मिळाला मात्र भाजपच्या नेतृत्वाखाली सरकार स्थापन झाले नाही. 50-50 फॉर्मुल्याच्या मुद्यावर शिवसेनेने सरकारमध्ये सहभागी होण्यास नकार दिल्याने फडणवीस पुन्हा मुख्यमंत्री होऊ शकले नाहीत. महायुतीचे सरकार येऊ शकले नाही याचे खापर भाजप शिवसेनेवर फोडते आहे याचाच रोष शिवसैनिकांच्या मनात आहे. जर ठरल्याप्रमाणे देण्याची तयारी भाजपने ठेवली असती तर महायुतीचे सरकार आले असते असे शिवसेना नेत्यांना आणि शिवसैनिकांनाही वाटते. 

भाजपने शिवसेनेला मुख्यमंत्रीपद देण्यास विरोध केल्याने दोन्ही कॉंग्रेस बरोबर शिवसेनेने महाशिवआघाडी केली आहे. हे तीन पक्ष एकत्र आल्याने राज्याचे राजकारणच बदलले आहे. शिवसेनेचा मुख्यमंत्री पाहण्याचे स्वप्न प्रत्येक शिवसैनिक करीत आहे. त्यामुळे आज शिवसैनिकांनी फडणवीस यांच्याविरोधात संताप व्यक्त करतानाच उद्धव यांच्या समर्थनार्थ घोषणा दिल्या. 

शिवतिर्थावर मुख्यमंत्र्यांच्या स्वागतासाठी शिवसेनेचे नेते मिलींद नार्वेकर वगळता ठाकरे कुटुंबियांपैकी कोणीही तेथे उपस्थित नव्हते. बाळासाहेबांना अभिवादन करून फडणवीस हे माध्यमांशी काहीही न बोलता निघून गेले. बाळासाहेबांच्या पुण्यतिथीनिमित्त दोन्ही पक्षातील दुरावा अधिक वाढल्याचे आज शिवतीर्थावर दिसून आले. युतीतील दरी कमी होण्याची कोणतेही चिन्ह दिसत नाही.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com