छत्रपती शिवाजी महाराजांची तुलना कोणाशीच होऊ शकत नाही : शिवेंद्रसिंहराजे

सातारा : छत्रपती शिवाजी महाराज आणि देशासाठी लढलेल्या स्वातंत्र्यसैनिकांशी कोणाचीही तुलना होऊ शकत नाही. हे पुस्तक म्हणजे कोणत्यातरी कार्यकर्त्याचा खोडसाळपणा असू शकतो त्यामुळे हे पुस्तक मागे घ्यावे, अशी प्रतिक्रिया भाजपचे आमदार शिवेंद्रसिंहराजे भोसले यांनी व्यक्त केली.

आज के शिवाजी नरेंद्र मोदी..हे जे पुस्तक नुकतेच प्रकाशित झाले आहे. त्यावर छत्रपती शिवाजी महाराज यांचे वंशज आणि साताऱ्याचे भाजप आमदार शिवेंद्रसिंहराजे भोसले यांनी टीका करत  छत्रपती शिवाजी महाराज आणि देशासाठी लढलेल्या स्वातंत्र्यसैनिकांशी कोणाचीही तुलना होऊ शकत नसल्याची आणि हे पुस्तक म्हणजे कोणत्यातरी कार्यकर्त्याचा खोडसाळपणा असू शकतो अशी प्रतिक्रिया देत, हे पुस्तक मागे घेण्यात यावे, अशी मागणी  त्यांनी केली आहे