भाजपच्या सत्ताकाळात खरंच सुखी झालो का, याचा विचार करा!

खटाव (सातारा) : भाजपच्या सत्ताकाळात खरंच सुखी झालो कां, याचा विचार जनतेने करण्याची वेळ आली आहे, असे मत राष्ट्रवादीचे आमदार शशिकांत शिंदे यांनी व्यक्त केले.

खटाव येथे साकव बांधकामाच्या भूमिपूजनप्रसंगी आयोजित मेळाव्यात ते बोलत होते. यावेळी जिल्हा परिषद सदस्य प्रदीप विधाते, पंचायत समिती उपसभापती संतोष साळुंखे, राष्ट्रवादी कॉंग्रेसचे तालुकाध्यक्ष बाळासाहेब जाधव, पंचायत समिती सदस्य आनंदराव भोंडवे, बाळासाहेब इंगळे, राजेंद्र कचरे उपस्थित होते.

शशिकांत शिंदे म्हणाले, "पक्षाने माझ्यासारख्या सामान्य कुटुंबातील व्यक्तीला आमदार, मंत्री बनण्याची संधी दिली. शरद पवार यांच्यासोबत हुकूमशाही, दडपशाही प्रवृत्तीविरोधात लढायला आवडेल. राजकारणात दर्जेदारपणा, दिलदारपणा असावा. पण दांभिकपणा, संकुचितपणा वा खोटारडेपणा नसावा ''