आमचे कितीही नुकसान होऊ देत, पण पवारांना सोडून जाणार नाही!

ज्या पक्षाने आम्हाला पद, प्रतिष्ठा व स्थैर्य दिले त्या पक्षाला आम्ही कधीही सोडून जाऊ शकत नाही
आमचे कितीही नुकसान होऊ देत, पण पवारांना सोडून जाणार नाही!

सातारा : भाजपकडून आम्हालाही ऑफर आली होती. पण राष्ट्रवादी कॉंग्रेस पक्ष अडचणीत असताना अशा वेळी केवळ सत्तेसाठी पक्ष सोडून जाणे योग्य नाही. आमचे कितीही नुकसान झाले तरी राष्ट्रवादी कॉंग्रेस पक्ष आणि शरद पवार यांना सोडून जाणार नाही, अशी भुमिका राष्ट्रवादीच्या उर्वरित आमदारंनी घेतली आहे. यामध्ये कोरेगावचे आमदार शशिकांत शिंदे, आमदार बाळासाहेब पाटील, दीपक चव्हाण, मकरंद पाटील यांचा समावेश आहे. 

भाजपकडून आम्हालाही प्रवेशाची ऑफर झाली होती. पण ज्या पक्षाने आम्हाला पद, प्रतिष्ठा आणि स्थैर्य दिले. त्या पक्षाचे अध्यक्ष शरद पवार यांच्या अशा अडचणीच्या काळात सोडून जाणे योग्य नाही. आमचे कितीही नुकसान होऊ देत, आम्ही राष्ट्रवादी पक्ष आणि शरद पवार यांना सोडून जाणार नाही, असे स्पष्ट मत राष्ट्रवादीचे पक्ष प्रतोद व कोरेगावचे आमदार शशिकांत शिंदे यांनी व्यक्त केले आहे.

विधानसभा निवडणुकीच्या तोंडावर राष्ट्रवादीला गळती लागली आहे. दिग्गज नेते मंडळी भाजपमध्ये प्रवेश करत आहेत. त्यामुळे पक्षाचे पदाधिकारी व कार्यकर्त्यांत अस्वस्थता पसरली आहे. अशातच राष्ट्रवादीचा बालेकिल्ला असलेल्या सातारा जिल्ह्यातील आमदार शिवेंद्रसिंहराजे भोसले यांनी राजीनामा देऊन भाजप प्रवेशाचा निर्णय घेतला आहे. या निर्णयामुळे राष्ट्रवादीच्या उर्वरित आमदारांसह पदाधिकारी व कार्यकर्त्यांत अस्वस्थता आहे. भाजपने शिवेंद्रसिंहराजेंच्या प्रवेशातून बालेकिल्ल्याला खिंडार पाडले आहे. यासंदर्भात पक्षाचे प्रतोद आणि कोरेगावचे आमदार शशिकांत शिंदे यांनी मात्र, आमचे किती नुकसान झाले तरी चालेल आम्ही पक्ष आणि आमचे नेते शरद पवार यांना सोडून जाणार नाही, असे स्पष्ट करून आम्हालाही भाजपकडून ऑफर आली होती, पण आम्ही त्याकडे दूर्लक्ष केले. ज्या पक्षाने आम्हाला पद, प्रतिष्ठा व स्थैर्य दिले त्या पक्षाला आम्ही कधीही सोडून जाऊ शकत नाही, अशी ठाम भुमिका राष्ट्रवादीच्या उर्वरित आमदारांनी घेतली आहे.  
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com