शर्मिला येवलेने मांडली शरद पवारांपुढे कैफियत

येवले ही महाविद्यालयीन विद्यार्थीनी अकोले येथे मुख्यमंत्र्यांच्या गाडीवर शाई फेकल्यानंतर चर्चेत आली. अकोले येथील प्रश्न मांडून तिने भाजपमध्ये नुकतेच गेलेले आमदार वैभव पिचड यांच्या उमेदवारीला विरोध केला होता. पोलिसांनी तिच्यावर गुन्हा दाखल केल्यानंतरही तिला अद्याप कोणतीही नोटीस दिलेली नाही. याबाबत तिने सद्यस्थिती पवार यांना सांगितली.
Sharmila Yeole Meets Sharad Pawar at Nagar
Sharmila Yeole Meets Sharad Pawar at Nagar

नगर : ''मुख्यमंत्र्यांच्या ताफ्यावर शाई फेकल्यानंतर माझ्यावर गुन्हा दाखल झाला, परंतु पोलिसांनी अद्याप नोटीस दिली नाही. राष्ट्रवादी काँग्रेसच्या अकोले येथे होणाऱ्या सभेस मी उपस्थित राहणार आहे, तेथे मात्र पोलिसांकडून मला अटकाव होण्याची शक्यता आहे,'' अशी कैफियत स्वाभिमानी शेतकरी संघटनेच्या पदाधिकारी असलेल्या शर्मिला येवले हिने राष्ट्रवादी काँगेसचे अध्यक्ष शरद पवार यांच्याकडे मांडली.

येवले ही महाविद्यालयीन विद्यार्थीनी अकोले येथे मुख्यमंत्र्यांच्या गाडीवर शाई फेकल्यानंतर चर्चेत आली. अकोले येथील प्रश्न मांडून तिने भाजपमध्ये नुकतेच गेलेले आमदार वैभव पिचड यांच्या उमेदवारीला विरोध केला होता. पोलिसांनी तिच्यावर गुन्हा दाखल केल्यानंतरही तिला अद्याप कोणतीही नोटीस दिलेली नाही. याबाबत तिने सद्यस्थिती पवार यांना सांगितली.

पिचड विरोधकांना सहकार्य करु
अकोले तालुक्यातील प्रश्न अनेक आहेत. मात्र तेथील आमदारांनी प्रश्न सोडविण्याएेवजी स्वतः लाखमोलाच्या गाड्या घेऊन फिरतात. पिचड यांच्या विरोधात कोणताही उमेदवार असेल, तर आम्ही त्यांना साह्य करू. अकोले येथे एकास एक उमेदवार देण्यात येणार असून, त्यास आम्ही सहकार्य करणार आहोत. राष्ट्रवादीच्या सभेस जाण्यास मला पोलिसांकडून अटकाव होऊ शकतो, याबाबत मी शरद पवार यांना माहिती दिली असल्याचे शर्मिला येवले हिने 'सरकारनामा'शी बोलताना सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com