उदयनराजेंविरोधात लढणार नाही: शरद पवार

पुणे: सातारा लोकसभा मतदारसंघाच्या पोटनिवडणुकीत मी स्वत: उभे राहावे, असा सहकाऱ्यांचा आग्रह आहे, मात्र मी लढणार नाही, असे राष्ट्रवादी काँग्रेस पक्षाचे अध्यक्ष खासदार शरद पवार यांनी सांगितले.

पुण्यात पत्रकारांशी बोलताना सातारा पोटनिवडणुकीच्या प्रश्नावर शरद पवार म्हणाले,  मी स्वत: उभे राहावे, असा आग्रह आहे, पण पुर्वी जाहीर केल्याप्रमाणे मी निवडणूक लढणार नाही. आमच्यापुढे तीन चार पर्याय आहेत. माजी मुख्यमंत्री पृथ्वीराज चव्हाण यांच्यासह श्रीनिवास पाटील, सुनील माने यांची नावे समोर आहेत. दोन तीन दिवसांत यासंबंधाने निर्णय करू.