शरद पवार यांनी केले राहुल गांधीचे कौतुक

कर्नाटक विश्‍वासदर्शक ठराव्याच्या दरम्यान कॉंग्रेसने जनता दल सेक्युलरला पाठिंबा देत शहाणपण व समंजसपणा दाखवला .कॉंग्रेसच्या युवा नेतृत्वाने भाजप विरोधात घेतलेल्या निर्णयाचे स्वागत आहे.-शरद पवार
sharad_pawar_rahul_gandhi
sharad_pawar_rahul_gandhi

मुंबई : कर्नाटक विश्‍वासदर्शक ठराव्याच्या दरम्यान कॉंग्रेसने जनता दल सेक्युलरला पाठिंबा देत शहाणपण व समंजसपणा दाखवला असून, कॉंग्रेसच्या युवा नेतृत्वाने भाजप विरोधात घेतलेल्या निर्णयाचे स्वागत आहे, अशा शब्दात राष्ट्रवादीचे अध्यक्ष शरद पवार यांनी कॉंग्रेस व राहुल गांधी यांचे कौतुक केले आहे. 

कर्नाटकच्या सर्व निर्णय प्रक्रियेत आपण स्वत: सहभागी होतो. त्यामुळे कॉंग्रेसने कोणताही कमीपणा घेतला नाही, राजकीय समंजसपणा दाखवल्याचे पवार म्हणाले.

सध्या देशात भाजप विरोधात समविचारी पक्षांची मोट बांधण्याची तयारी सुरू आहे. महाराष्ट्रातही कॉंग्रेस व राष्ट्रवादीची आघाडी झाली आहे. केवळ जागावाटपाची चर्चा बाकी असून, देशाच्या पातळीवर सर्वच समविचारी पक्ष एकत्र येवून आगामी लोकसभेला सामोरे जाण्याची शक्‍यता पवार यांनी व्यक्‍त केली.

कर्नाटक मधे राज्यपालांची भूमिका मात्र उचित नव्हती असे स्पष्ट करत देशाच्या लोकशाहीचे संकेत न्यायालयाच्या आदेशाने पाळल्याचे समाधान असल्याचे पवार म्हणाले.


 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com