शरद पवारांच्या वाढदिनी नाशिकात उभारणार शेतकरी मदतनिधी 

शरद पवारांच्या वाढदिनी नाशिकात उभारणार शेतकरी मदतनिधी 

नाशिक : राज्यात महाविकास आघाडीचे सरकार स्थापन झाल्याने राष्ट्रवादी कॉंग्रेसमध्ये उत्सहाचे वातावरण आहे. यंदा पक्षाध्यक्ष शरद पवार यांच्या वाढदिवसनिमित्त नाशिकमध्ये शेतकरी मदतनिधी उभारला जाणार आहे. हा निधी येत्या 12 डिसेंबरला श्री. पवार यांना सुपुर्द केला जाईल. 

विधानसभा निवडणुकीत यंदा राष्ट्रवादी कॉंग्रेसचे पाच आमदार निवडून आले आहेत. निवडणूक झाल्यावर लगेचच शरद पवार यांनी नाशिकचा दौरा करुन अतिवृष्टीने हानी झालेल्या भागाची पाहणी केली होती. या पाहणीचा अहवाल आणि विशेषतः नाशिकमधील शेतकऱ्यांची तक्रार त्यांनी थेट पंतप्रधानांच्या कानावर टाकली होती. त्यामुळे शेतकऱ्यांत श्री. पवार यांच्या दौऱ्याने समाधान व अपेक्षा दोन्ही वाढल्या आहे. 

या पार्श्‍वभूमीवर येत्या 10 ते 18 डिसेंबरला श्री. पवार यांच्या 80 व्या वाढदिवसानिमित्त स्वाभिमान सप्ताहानिमित्त विविध कार्यक्रम होतील. त्यात स्थानिक कार्यकर्ते हा निधी संकलीत करतील. सर्व पदाधिकारी, कार्यकर्ते त्यासाठी पुढाकार घेतील. 12 डिसेंबरला जमा झालेला निधी पक्षाध्यक्षांकडे सुपुर्द करण्यात येईल.

यावेळी राज्यात महाराष्ट्र विकास आघाडीचे सरकार स्थापन केल्याबद्दल पक्षाध्यक्ष शरद पवार यांच्या अभिनंदनाचा ठराव करण्यात आला. तसेच राज्याच्या मंत्रीमंडळात कॅबीनेटमंत्री म्हणून समावेश झाल्याबद्दल प्रदेशाध्यक्ष जयंत पाटील आणि माजी उपमुख्यमंत्री छगन भुजबळ यांच्या अभिनंदनाचा ठराव झाला. 

याविषयी जिल्हाध्यक्ष ऍड. रवींद्र पगार यांनी माहिती दिली. पक्षाच्या पदाधिकाऱ्यांची बैठक राष्ट्रवादी भवन येथे झाली. यावेळी बागलाण विधानसभाध्यक्ष संजय चव्हाण, येवला विधानसभाध्यक्ष वसंत पवार, महिला जिल्हाध्यक्षा प्रेरणा बलकवडे, सामाजिक न्याय सेलचे जिल्हाध्यक्ष यशवंत शिरसाठ, ग्रंथालय सेलचे जिल्हाध्यक्ष विजय पवार, डॉक्‍टर सेलचे जिल्हाध्यक्ष डॉ. योगेश गोसावी, तालुकाध्यक्ष डॉ. सयाजीराव गायकवाड, राजेंद्र डोखळे यांसह मोठ्या संख्येने पदाधिकारी उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com