शंभूराजे देसाईंचे तीन किलो वजन घटले, पण पक्षात वाढले

शंभूराजे देसाईंचे तीन किलो वजन घटले, पण पक्षात वाढले

ढेबेवाडी (पाटण) : पाटण मतदारसंघ, गृह, अर्थ व नियोजन राज्यमंत्री पद, तसेच वाशिमचे पालकमंत्री पद या जबाबदाऱ्या संभाळतानाच मंत्री, लोकप्रतिनिधी अन्‌ कुटुंबप्रमुख अशा विविध भुमिका पाटणचे नेते व गृहराज्यमंत्री शंभूराज देसाई सध्या संभाळत आहेत.

या सर्व जबाबदाऱ्या पार पाडताना होणाऱ्या धावपळीमुळे गेल्या तीन चार महिन्यात त्यांचे तीन किलो वजन घटले आहे. पण वाशीमसह अन्यत्र सुरू असलेल्या शिवसेना पक्षबांधणीमुळे शिवसेना पक्षप्रमुखांकडे मात्र त्यांचे वजन आणखीच वाढले आहे.

गृह, अर्थ व नियोजन राज्यमंत्री शंभूराज देसाई कालरात्री पाटणमध्ये लोकनेते बाळासाहेब देसाई कारखानास्थळावरील निवासस्थानी मुक्कामी होते. त्यावेळी पत्रकारांशी अनौपचारिकपणे गप्पा मारताना मंत्री, लोकप्रतिनिधी, कुटुंबप्रमुख अशा विविध भूमिका बजावताना होणारी त्यांची धावपळ सहजपणे समोर आली.

गेल्या तीन-चार महिन्यात आपले वजन तीन किलोने घटल्याचे त्यांनी गप्पांच्या ओघात सांगितले खरे, पण वाशीमसह अन्यत्र सुरू असलेल्या मजबूत पक्षबांधणीमुळे शिवसेना पक्षप्रमुखांकडे मात्र, त्यांचे वजन आणखीन वाढल्याचेही चर्चेतून जाणवले.

सध्या विविध खात्याचा डोलारा सांभाळताना तोंडावर आलेल्या अर्थ संकल्पाच्या सादरीकरणाची तयारीही त्यांच्याकडून वेगाने सुरू आहे. अर्थसंकल्प सादर करण्यासाठी त्यांनी कोटही शिवायला दिल्याचे चर्चेतून पुढे आले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com