आजचा वाढदिवस : शालिनी राधाकृष्ण विखे पाटील

नगर जिल्हा परिषदेच्या अध्यक्षा शालिनी विखे- पाटील या विधानसभेतील विरोधी पक्षनेते राधाकृष्ण विखे पाटील यांच्या पत्नी आहेत. देशात सहकारी साखर कारखान्याची मूहूर्तमेढ रोवणारे पद्‌मश्री विठ्ठलराव विखे पाटील यांच्या त्या नात-सून, तर पद्मभूषण (कै.) बाळासाहेब विखे पाटील यांच्या त्या सुनबाई होत. विखे घराण्यातील राजकीय वारसा त्यांनी तितक्‍याच कणखरपणे जपला. कोपरगावच्या गोदावरी दूध संघाचे संस्थापक (कै.) नामदेवराव परजणे यांच्या शालिनी या कन्या आहेत. महिला बचत गटाच्या चळवळीला प्रोत्साहन देत त्यांनी बचत गटाची जत्रा भरविली. त्यातून साई ज्योती हे महिला बचत गट उत्पादनाचे प्रदर्शन भरविले. जिल्ह्यातील महिलांच्या विकासासाठी विविध योजना राबविल्या. त्यांना विविध कार्यामुळे आदर्श माता, सावित्री पुरस्कार, गौराई पुरस्कार, क्रांतिज्योती पुरस्कार असे अनेक राज्यस्तरीय 
पुरस्कार मिळाले.