गिरीश महाजन यांना पाडल्याशिवाय राहणार नाही:: डॉ.सतीश पाटील

गिरीश महाजन यांना पाडल्याशिवाय राहणार नाही:: डॉ.सतीश पाटील

जळगाव :  "ईडी' आणि "बेडी'चीही आम्हाला भिती नाही. पक्षाच्या कार्यकर्त्यांनी एक होवून समर्थपणे लढा दिल्यास येत्या विधानसभा निवडणूकीत जामनेर मतदार संघातून  जलसंपदामंत्री गिरीश महाजन यांचा पराभव निश्‍चित करू त्या शिवाय आपण गप्प बसणार नाही. असा विश्‍वास राष्ट्रवादी कॉंग्रेसचे आमदार डॉ.सतीश पाटील यांनी व्यक्त केला आहे.

जळगाव येथील आकाशवाणी चौकातील राष्ट्रवादी कॉंग्रेस कार्यालयात जिल्हा मेळाव्याचे आयोजन करण्यात आले होते. अध्यक्षस्थानी विधानसभेचे माजी सभापती अरूणभाई गुजराथी होते.

 यावेळी जिल्हाध्यक्ष ऍड.रविंद्र पाटील, निरिक्षक करण खलाटे, माजी खासदार वसंतराव मोरे, माजी आमदार संतोष चौधरी,संजय पवार,अनिल भाईदास पाटील आदी उपस्थित होते.

यावेळी बोलतांना आमदार डॉ.सतीश पाटील म्हणाले, कि मंत्री गिरीश महाजन सातत्याने दमबाजी करीत असतात. आम्हाला "ईडी'आणि "बेडी'फिकीर नाही. यावेळी जामनेर विधानसभा मतदार संघातून त्यांना पराभूत करणार आहोत.हे शक्‍यही आहे. 

आपण सर्व एकत्रीतपणे लढा दिला तर त्यांना निश्‍चितच पराभूत करू शकतो. मात्र गिरीश महाजन यांच्या खेळीकडेही लक्ष दिले पाहिजे, ते मतदार संघात कॉंग्रेसच्या वरीष्ठ नेत्यांना "मॅनेज' करून आपल्याविरूध्द कच्चा उमेदवार देतात. गेल्या वेळीही त्यांनी हेच केल होत. मात्र यावेळी तस घडू दिल जाणार नाही. महाजन यांच्या विरोधात तगडा उमेदवार देवून आपण त्यांना पराभूत करण्यासाठी प्रयत्नशिल राहणार आहोत.

भगवा झेंडाही लावणार
राष्ट्रवादी कॉंग्रेसच्या झेंड्यासोबत आता कार्यकर्त्यांनी गाडीला भगवा झेंडाही लावावा असे अवाहन डॉ.सतीश पाटील यांनी केले. ते म्हणाले, भगवा झेंडा हा कुणाची मक्तेदारी नाही, छत्रपती शिवाजी महारांजाचा हा झेंडा आहे. त्यामुळे राष्ट्रवादी कॉंग्रेसच्या कार्यकर्त्यांनी आता गाडीवर तसेच कार्यक्रमात राष्ट्रवादी कॉंग्रेसच्या झेंड्यासोबत भगवा झेंडाही लावावा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com