...तर जलसंपदाचे कार्यालय पेटवून देऊ : नरेंद्र पाटील 

केंद्रीय जलआयोगाच्या उद्याच्या (मंगळवारी) बैठकीत जिहे-कटापूर योजनेसाठी भरीव निधी मंजूर होईल, अशी आशा आहे. तसे न झाल्यास कशाचीही पर्वा न करता शिवसेना कार्यकर्ते जलसंपदा विभागाचे येथील कार्यालय पेटवून देतील. अधिकाऱ्यांना कार्यक्षेत्रात फिरकू दिले जाणार नाही. पाण्याअभावी पिचलेला आमचा शेतकरी महसूल आणि पोलिसांच्या नाकावर टिच्चून कमी पाण्यावर येणाऱ्या अफू आणि गांजाची शेती करतील, असा उद्धेग शिवसेना नेते नरेंद्र पाटील यांनी व्यक्त केला.
...तर जलसंपदाचे कार्यालय पेटवून देऊ : नरेंद्र पाटील 

सातारा : केंद्रीय जलआयोगाच्या उद्याच्या (मंगळवारी) बैठकीत जिहे-कटापूर योजनेसाठी भरीव निधी मंजूर होईल, अशी आशा आहे. तसे न झाल्यास कशाचीही पर्वा न करता शिवसेना कार्यकर्ते जलसंपदा विभागाचे येथील कार्यालय पेटवून देतील. अधिकाऱ्यांना कार्यक्षेत्रात फिरकू दिले जाणार नाही. पाण्याअभावी पिचलेला आमचा शेतकरी महसूल आणि पोलिसांच्या नाकावर टिच्चून कमी पाण्यावर येणाऱ्या अफू आणि गांजाची शेती करतील, असा उद्धेग शिवसेना नेते नरेंद्र पाटील यांनी व्यक्त केला. 

शिवसेनेचे जिल्हा प्रमुख चंद्रकांत जाधव यांच्या उपस्थितीत सातारा शासकीय विभामगृहात झालेल्या पत्रकार परिषदेत नरेंद्र पाटील बोलत होते. यावेळी त्यांनी पंतप्रधान नरेंद्र मोदी व भाजप सरकारच्या कार्यपद्धतीचा नेहमीच्या शैलीत समाचार घेतला. 

जिहे-काटापूर योजनेबाबत बोलताना नरेंद्र पाटील म्हणाले, "गेली 20 वर्षांहून अधिक काळ रखडलेल्या या योजनेची आजवरच्या केंद्र आणि राज्य सरकारांनी उपेक्षाच केली. आमचे नेते खासदार गजानन किर्तीकर, संपर्क नेते दिवाकर रावते, पालकमंत्री विजय शिवतारे यांच्यामार्फत शासनाकडे पाठपुरावा केला. सेना पदाधिकाऱ्यांनी आमचे पक्षप्रमुख उद्धव ठाकरे यांच्या मार्फत केंद्र शासनाकडे आणि केंद्रीय जल आयोगाकडे जिहे-कटापूर योजनेच्या मान्यतेसाठी प्रयत्न केले. उद्या (मंगळवारी) केंद्रीय जल आयोगाची दिल्लीत होणाऱ्या बैठकीत निधी मंजूर होईल, अशी अपेक्षा आहे.'' 

या योजनेबाबत आजवरचा शासनाचा अनुभव फार चांगला नाही. उद्या केंद्रीय जल आराखड्यास मान्यता न मिळाल्यास शिवसेना गप्प बसणार नाही. दुष्काळी भागातील शेतकऱ्यांना शासन पाणी पुरवू शकत नसेल तर आम्हाला शासनाची गरज नाही. यापुढे जिल्ह्यात कोणताही प्रकल्प करु देणार नाही, असा इशाराही श्री. पाटील यांनी यावेळी दिला.
 
यावेळी उपजिल्हा प्रमुख प्रताप जाधव, भानुदास कोरडे, सचिन झांजुर्णे, दिनेश देवकर, यशवंत जाधव, रवींद्र फाळके, अमिन आगा, संजय नलवडे आदी उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com