इस्लामपूर, पुण्याकडून येणारी माणसं थांबवा : सातारा जिल्हाधिकाऱ्यांच्या सूचना

कोरोनाच्या पार्श्वभूमीवर कऱ्हाडमध्ये करण्यात आलेल्या उपाययोजना समाधानकारक आहेत. जिल्ह्याबाहेरुन जिल्ह्यात येणारी आणि विशेषतः सांगली, इस्लामपूरसह पुण्याकडून येणारी लोकं तेथेच थांबवली पाहिजेत. त्यासाठी आवश्यक त्या उपाययोजना हाती घ्या, अशा सुचना जिल्हाधिकारी शेखर सिंग यांनी आज अधिकाऱ्यांना दिल्या
Satara Collector Shekhar Singh Orders Restrictions on Pune and Islampur Traffic
Satara Collector Shekhar Singh Orders Restrictions on Pune and Islampur Traffic

कऱ्हाड : कोरोनाच्या पार्श्वभूमीवर कऱ्हाडमध्ये करण्यात आलेल्या उपाययोजना समाधानकारक आहेत. जिल्ह्याबाहेरुन जिल्ह्यात येणारी आणि विशेषतः सांगली, इस्लामपूरसह पुण्याकडून येणारी लोकं तेथेच थांबवली पाहिजेत. त्यासाठी आवश्यक त्या उपाययोजना हाती घ्या, अशा सुचना जिल्हाधिकारी शेखर सिंग यांनी आज अधिकाऱ्यांना दिल्या.

कोरोनाच्या पार्श्वभूमीवर जिल्हाधिकारी सिंग यांनी आज कऱ्हाड येथील शासकीय विश्रामगृहात अधिकाऱ्यांची बैठक घेवुन करण्यात आलेल्या उपाययोजनांचा आढावा घेतला.  जिल्हाधिकारी सिंग यांनी तालुक्यात करण्यात आलेल्या उपाययोजनांचा आढावा प्रांताधिकारी, पोलिस उपाधिक्षक, पालिकेचे मुख्याधिकारी आरोग्य अधिकारी यांच्याकडून घेतला. त्यांनी शहरासह तालुक्यात करण्यात आलेल्या उपययोजनासंदर्भात समाधान व्यक्त केले. 

त्यानंतर त्यांनी कऱ्हाड जवळीलच इस्लामपूरमध्ये सापडलेल्या संशयितांच्या पार्श्वभूमीवर आणि पुण्यामधील सद्यस्थितीवरुन कऱ्हाडमध्ये व जिल्ह्यात जिल्ह्याबाहेरुन येणारी विशेषतः सांगली, इस्लामपुरसह पुण्याकडून येणारी लोकं तेथेच थांबवली पाहिजेत, असे आवाहन अधिकाऱ्यांना करुन त्यासाठी आवश्यक त्या उपाययोजना हाती घ्या, अशा सुचना केल्या. त्याचबरोबर शासनाकडून देण्यात आलेल्या आदेशांची योग्य अंमलबजावणी करावी, असेही त्यांनी सांगितले.

'कृष्णा'तील विलगीकरण कक्षाची पाहणी

कृष्णा रुग्णालयात कोरोना संशयीत रुग्णांसाठी विलगीकरण कक्ष तयार करण्यात आला आहे. तेथे बेडची व्यवस्था करण्यात आली आहे. तेथील सद्यस्थितीची पाहणी जिल्हाधिकारी सिंग यांनी अधिकाऱ्यांसमवेत केली. यावेळी त्यांनी तेथील माहिती घेवुन राबवण्यात आलेल्या उपाययोजनांबद्दल समाधान व्यक्त केले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com