...हम होंगे कामयाब!....शिवसेना अजूनही आशावादी?

मुंबई : शिवसेनेला राज्यात सरकार स्थापनेची राज्यपाल भगतसिंग कोशियारी यांनी दिलेली मुदत काय सायंकाळी संपली. काँग्रेस व राष्ट्रवादी काँग्रेसची पाठिंब्याचे पत्रे मिळाली नाहीत त्यामुळे शिवसेनेला सत्ता स्थापन करण्याचा दावा करता आला नाही. पण तरीही शिवसेना नेते संजय राऊत अद्याप काहीतरी होईल, याबाबत आशावादी असल्याचे दिसते आहे.

लिलावती रुग्णालयात उपचार घेत असलेल्या संजय राऊत यांनी एक ट्वीट करुन हा आशावाद व्यक्त केला आहे. 
"लहरों से डर कर नौका पार नहीं होती,
कोशीश करने वालों की कभी हार नही होती ।'
बच्चन. 
हम होंगे कामयाब..
जरूर होंगे.......
.......असे राऊत यांनी आपल्या ट्वीटमध्ये म्हटले आहे. 

काल शिवसेनेची सत्ता स्थापनेची गडबड सुरु असतानाच राऊत लिलावती रुग्णालयात दाखल झाले. पण तिथेही ते राज्यातल्या राजकीय घडामोडींवर लक्ष ठेऊन असल्याचे दिसते आहे. दुसरीकडे काँग्रेस व राष्ट्रवादी यांच्यात पाठिंब्याच्या पत्रावरुन एकमेकांकडे बोटे दाखवणे सुरु असताना दुसरीकडे संजय राऊत मात्र आशावाद व्यक्त करत आहेत.