"समृद्धी'च्या बाधित शेतकऱ्यांची  उद्धव ठाकरे यांच्याकडे " धाव " 

"समृद्धी'च्या बाधित शेतकऱ्यांची  उद्धव ठाकरे यांच्याकडे " धाव " 

मुंबई : मुख्यमंत्र्यांचा ड्रीम प्रोजेक्‍ट असणाऱ्या समृद्धी महामार्गाला शिवसेनेचा असणारा विरोध मावळल्यानंतर आता शेतकऱ्यांनीच शिवसेना पक्षप्रमखांकडे साद घातली आहे. जमीन हस्तांतरासाठी शिवसेनेने शेतकऱ्यांशी संवाद सुरू केला आहे. त्यामुळेच आज औरंगाबाद येथील समृद्धी महामार्ग बाधित शेतकऱ्यांनी उद्धव ठाकरे यांच्याकडे " धाव " घेतली आहे. 

औरंगाबाद येथील समृद्धी महामार्ग बाधित शेतकऱ्यांचे प्रतिनिधी आज शिवालय येथे शिवसेना पक्षप्रमुख उद्धव साहेब ठाकरे याना भेटले. या बैठकीस शिवसेना पर्यावरण मंत्री रामदास कदम, उद्योग मंत्री सुभाष देसाई आणि सार्वजनिक उपक्रम मंत्री एकनाथ शिंदे, शिवसेना जिल्हा प्रमुख अंबादास दानवे, आमदार संजय शिरसाट यावेळी उपस्थित होते. 

बाधित शेतकऱ्यांनी त्यांच्या फळबागा जमीनी यात बाधित झाल्याची माहिती देत मदत करण्याचे उद्धव ठाकरे यांना आवाहन केले. त्यावर या जमीनी बाधित होवू देणार नाही. भाजी मंडई, मालेवाडा आदी भागात शेतकरी जमीनी देणार नाहीत. शेतकऱ्यावर अन्याय होऊ देऊ नका असे आदेश उद्धव ठाकरे यांनी दिले. स्वतः मंत्री या जागी अधिकाऱ्यांसह दौरा करतील आणि या जमीनी समृद्धी महामार्गातून वगळण्यात येतील असे आश्वासनही उद्धव ठाकरे यांनी शेतकऱ्यांना दिले आहे. 

जो पर्यंत शेतकऱ्यांचे समाधान होत नाही तो पर्यंत हा महामार्ग होणार नाही ही शिवसेनेची कालही भूमिका होती अन्‌ आजही तिच आहे. समृद्धी महामार्ग जो होतोय त्या महामार्गावरील शेतकऱ्यांना शिवसेनेने वचन दिले होते. शेतकऱ्यांवर अन्याय होणार नाही ही आमची भूमिका आहे. शेतकऱ्यांचे समाधान होत नाही तो पर्यंत भूसंपादन होणार नसल्याचे उद्धव ठाकरे यांनी स्पष्ट केले होते.  
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com