"ज्या वेदना मुलीला झाल्या. त्याच वेदना आरोपीला झाल्या पाहिजे ! हिंगणघाटपरिसरात संताप 

"ज्या वेदना मुलीला झाल्या. त्याच वेदना आरोपीला झाल्या पाहिजे ! हिंगणघाटपरिसरात संताप 

पुणे : हिंगणघाट जळीतकांडातील पीडितेची मृत्यूशी झुंज आज पहाटे संपली अन्‌ गावकऱ्यांच्या संतापाला सीमा राहिली नाही. विकेश नगराळे या नराधमाला फाशी द्या, त्याला आमच्या ताब्यात द्या त्याला जाळून मारा,"ज्या वेदना मुलीला झाल्या. त्याच वेदना आरोपीला झाल्या पाहिज अशा संतप्त प्रतिक्रियाही उमटल्या.

गावकऱ्यांनी संघटीत होत नागपूर-औरंगाबाद महामार्गावर बंद पुकारला आणि पोलिसांबरोबरही वादावादी झाली त्यामुळे हिंगणघाट परिसरात तणावाचे वातावरण होते 

हिंगणघाट येथे एका महाविद्यालयात अर्धवेळ प्राध्यापक म्हणून कार्यरत असलेल्या तरूणीला आरोपी विकेश याने पेट्रोल टाकून पेटवून दिले होतें. तरुणी सोमवारी सकाळी घरून हिंगणघाटला आली होती. तिच्या मार्गावर दबा धरून बसलेल्या नगराळेंने तिला गाडीतील पेट्रोल टाकून पेटवून दिलं होतं. तरूणीनं आरडाओरड केल्यानंतर आग विझवून तिला रूग्णालयात दाखल करण्यात आलं. गेल्या सात दिवसांपासून पीडितेवर उपचार सुरू होते. 

ऑरेंज सिटी या खासगी रूग्णालयात पीडितेवर उपचार सुरू होते. तिची मृत्यूशी सुरू असलेली झुंज आज संपली आणि प्रत्येक गावकऱ्याचे डोळे भरून आले. संताप व्यक्त केला गेला. गावकऱ्यांचा संताप आणि पोलिसांनी वादावादी त्यामुळे वातावरण तणावाचे होते. रस्ता रोखून धरल्याने या महामार्गावरील वाहतूक ठप्प होती.

अखेर पोलिसांनी वाहतूक दुसरीकडून वळविली. पिडितेच्या मृत्यूने संपूर्ण राज्यातही हळहळ व्यक्त करण्यात येत आहे. त्या नराधमाला कठोर शासन व्हावे अशी मागणी सर्वस्तरातून करण्यात येत आहे.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com