साईबाबाच्या जन्मठेपेने डाव्या चळवळीला धक्का 

काही वर्षांपूर्वी प्रा. विनायक सेन यांच्यावरही देशद्रोहाचा गुन्हा दाखल झाला होता. अखेर सर्वोच्च न्यायालयाने हा आरोप खोडून काढला.
Saibaba
Saibaba

नागपूर :माओवादी "थिंक टॅंक'मधील अग्रणी नाव असलेल्या प्रा. जी. एन. साईबाबा यांना गडचिरोली सत्र न्यायालयाने जन्मठेपेची शिक्षा सुनावल्याने या भागातील डाव्या चळवळीला जबर धक्का बसला आहे. 

पश्‍चिम बंगालमधून सुरू झालेल्या नक्षलवादी चळवळीला या वर्षी 50 वर्षे पूर्ण झाली आहेत. पश्‍चिम बंगालमधील नक्षलबारी या गावातून डाव्या विचारसरणीचा प्रभाव असलेल्या चारू मुजुमदार यांच्या नेतृत्वात ही चळवळ सुरू झाली. पश्‍चिम बंगाल, ओरिसा, आंध्र प्रदेश, मध्य प्रदेश, छत्तीसगडमार्गे महाराष्ट्रातील गडचिरोली जिल्ह्यात या चळवळीने जोर पकडला. जवळपास 1980 च्या दशकात या नक्षलवादी चळवळीने या जिल्ह्यात पाय रोवायला सुरूवात केली. या जिल्ह्यातील जवळपास आठ तालुक्‍यांमध्ये नक्षलवाद्यांचा चांगलाच प्रभाव आहे. 

या चळवळीचे बौद्धिक व वैचारिक रसद पुरविण्याचे काम प्रा. साईबाबा करीत होते, एवढेच नव्हे तर देशविरोधी कारवायांमध्ये प्रा. साईबाबा यांचा थेट हात होता, असेही न्यायालयाने म्हटले आहे. प्रा. साईबाबा हे 90 टक्के अपंग आहेत. ते व्हीलचेअरशिवाय हलू शकत नाही.

त्यांना मदतनीसाशिवाय शरीराच्या हालचालीही करता येत नाही. ही स्थिती असताना न्यायालयाने प्रा. साईबाबा यांना दोषी ठरविल्याने डाव्या चळवळीला हा मोठा धक्का बसला आहे. काही वर्षांपूर्वी प्रा. विनायक सेन यांच्यावरही देशद्रोहाचा गुन्हा दाखल झाला होता. अखेर सर्वोच्च न्यायालयाने हा आरोप खोडून काढला. 
या निकालात प्रा. साईबाबा यांच्यासह सहा जणांना जन्मठेपेची शिक्षा सुनावल्याने या भागातील डाव्या चळवळीशी सहानुभूती राखणाऱ्यांना जोरदार धक्का बसला आहे.  

 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com