या सरकारची कर्जमाफी संभ्रमात टाकणारी - सदाभाऊ खोत

या सरकारची कर्जमाफी संभ्रमात टाकणारी - सदाभाऊ खोत

पुणे : माजी मुख्यमंत्री देवेंद्र फडणवीस यांनी केलेली कर्जमाफी योग्य होती. ती कर्जासाठीची थकबाकी सरसकट होती. आजच्या सरकारने केलेली कर्जमाफी शेतकऱ्यांना संभ्रमात टाकणारी आहे असे मत माजी मंत्री सदाभाऊ खोत यांनी व्यक्त केले. 

रयत क्रांती संघटनेचे आता राजकीय पक्षात रूपांतर होणार आहे. या नव्या पक्षाची माहिती पत्रकारांना देताना खोत म्हणाले, शेतकरी आणि कामगार यांच्यासाठी आमचा पक्ष काम करेल. शेतकऱ्यांच्या मुलांना शेतीसोबत उद्योजक करण्यासाठी आम्ही उपाययोजना आखू. स्वामीनाथन आयोग लागू झाल्याशिवाय शेतकरी सुखी होणार नाही. स्वामीनाथन आयोग लागू करावा यासाठी आमचा कायम आग्रह राहील असे खोत म्हणाले. 

माजी मुख्यमंत्री देवेंद्र फडणवीस यांनी सरसकट कर्जमाफी केली होती. या सरकारने सरसकट कर्जमाफी करावी. सध्याची कर्जमाफी फसवी आहे असे खोत यांनी सांगितले. शेडनेट आणि पॉलिहाऊस उभारणाऱ्या शेतकऱ्यांना निसर्गाच्या लहरीपणाचा फटका बसला आहे, त्यांना विम्याचेही संरक्षण नाही. त्याचबरोबर तो कर्जाच्या खाईत सापडला आहे. त्याला आधार देण्याची गरज आहे. त्यामुळे त्याची कर्जाची रक्कम दोन लाखांपेक्षा जास्त असली तरी तो कर्जमुक्त होणे गरजेचे आहे त्यामुळे त्याला कर्जमाफी कशी देता येईल याचा सरकारने योग्यरितीने विचार करावा अशी मागणीही त्यांनी यावेळी केली. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com