संपाची भरपाई :  तलाठी  सुट्टीच्या दिवशीही काम करणार

राज्य सरकारी कर्मचाऱ्यांच्या तीन दिवसाच्या संपामुळे प्रलंबित कामे पुर्ण करण्यासाठी महसूल विभाग आणि तलाठ्यांनी सुट्टीच्या दिवशीही काम करण्याचा निर्णय घेतला आहे.
Mantralay
Mantralay

कोल्हापूर :  राज्य सरकारी कर्मचाऱ्यांच्या तीन दिवसाच्या संपामुळे प्रलंबित कामे पुर्ण करण्यासाठी महसूल विभाग आणि तलाठ्यांनी सुट्टीच्या दिवशीही काम करण्याचा निर्णय घेतला आहे. दुसऱ्या आणि चौथ्या शनिवारी काम करणे अथवा दररोज जादा काम करुन प्रलंबीत कामांचा निपटारा केला जाणार आहे.

राज्य सरकारी कर्मचारी मध्यवर्ती संघटनेचे सहसचिव अनिल लवेकर यांनी ही माहीती दिली.

विविध मागण्यांसाठी राज्य सरकारी कर्मचाऱ्यांनी 7 ते 9 ऑगस्टला तीन दिवसाचा लाक्षणिक संप पुकारला होता. संपाच्या काळात राज्यातील 18 लाखांहून अधिक कर्मचारी संपात सहभागी झाले होते. कोल्हापूर जिल्ह्यातील हजारो कर्मचाऱ्यांनी या संपाला उर्त्स्फुत प्रतिसाद दिला. त्यामुळे सर्वच शासकीय कार्यालयातील कामे ठप्प होती. संपामुळे तीन दिवसात शेकडो कामे ठप्प झाली आहेत.

तथापी, ही प्रलंबीत पडलेली कामे पुर्ण करण्यासाठी तीन दिवस संपात असणाऱ्या कर्मचाऱ्यांना आता जादा काम करावे लागणार आहे. जिल्हाधिकारी कार्यालयातील कांही कर्मचाऱ्यांनी शनिवारी (ता. 11) दुसरा शनिवार असूनही काम केले. चौथ्या शनिवारीही काम केले जाणार आहे. ज्या कर्मचाऱ्यांना सुट्टीच्या दिवशी काम करणे शक्‍य नाही,अशा कर्मचाऱ्यांनी आता कामाच्या दिवशीच दररोज दोन तास काम करण्याचा निर्णय घेतला आहे.अशा प्रकारे प्रलंबीत कामे करण्याचे नियोजन केले आहे.

राज्य सरकारी कर्मचाऱ्यांचा या संपात शिक्षक संघटनांनीही पाठिंबा दिला होता. सर्वच शिक्षक संपात सहभागी झाले. परिणामी शाळांही बंदच राहिल्या. विद्यार्थ्यांचे शैक्षणिक नुकसान होवू नये, यासाठी आता विद्यार्थी आणि पालक यांच्यात समन्वयातून जादा तास घेतले जाणार आहेत. या आठवड्यातही अनेक सुट्टया आहेत. या सुट्टया आणि जादा तासांचे नियोजन कले जाणार आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com