दानवेंनी जावयासाठी नव्हे तर खैरेंच्या विजयासाठीच प्रयत्न केले :  आ.  ठाकूर

मुंबई :  भाजपचे प्रदेशाध्यक्ष रावसाहेब दानवे यांचे जावई  हर्षवर्धन जाधव यांच्या विजयासाठी भाजपच्या कार्यकर्त्यांनी काम केले नाही तर शिवसेनेचे विद्यमान खासदार चंद्रकांत खैरे यांच्या विजयासाठी प्रयत्न केले," असा दावा भाजपचे प्रदेश सरचिटणीस सुजितसिंह ठाकूर यांनी केला.

श्री. ठाकूर म्हणाले ,"औरंगाबाद लोकसभा मतदारसंघातील शिवसेनेचे उमेदवार खा. चंद्रकांत खैरे यांच्या विजयासाठी भारतीय जनता पार्टीच्या पदाधिकारी, लोकप्रतिनिधी व नगरसेवकांनी प्रयत्न करत युतीधर्माचे पालन केले. तसेच मुख्यमंत्री देवेंद्र फडणवीस व प्रदेशाध्यक्ष खा. रावसाहेब पाटील दानवे यांच्या सूचनेवरून मी  स्वतः या मतदारसंघात तीन दिवस मुक्काम केला . मी   खैरे यांच्या विजयासाठी भाजपा नेते, कार्यकर्त्यांशी संपर्क करून पत्रकार परिषद घेऊन जाहीर आवाहनही केले होते."

भाजपा प्रदेशाध्यक्ष खा. रावसाहेब पाटील दानवे यांचे जावई आ. हर्षवर्धन जाधव या मतदारसंघात उमेदवार आहेत. जाधव यांना प्रदेशाध्यक्षांचा पाठिंबा असल्याचा गैरसमज काही जणांनी निर्माण केला होता. मात्र आपण पत्रकार परिषदेत जाहीरपणे पक्षाची भूमिका स्पष्टपणे मांडली आणि संभ्रम निर्माण करणाऱ्यांवर विश्वास न ठेवण्याचे आवाहन केल्याचे त्यांनी सांगितले.

रावसाहेब दानवेंनी युती धर्म न पाळता 'जावईधर्म' पाळला : खैरे http://www.sarkarnama.in/raosahaeb-danve-helped-his-son-law-defying-alliance-khaire-36906