मुंबई : महाराष्ट्र प्रदेश कॉंग्रेस समितीच्या " जनमानसाची शिदोरी' या मासिकात प्रकाशित झालेल्या स्वातंत्र्यवीर वि. दा. सावरकर यांच्यावरील लेखावरून पुन्हा वाद उद्‌भवला आहे. हा अंक मागे न घेण्याची भूमिका कॉंग्रेसने घेतल्यामुळे 100 कोटी रुपयांचा अब्रुनुकसानीचा दावा दाखल करण्याचा इशारा सावरकर यांचे नातू रणजीत सावरकर यांनी दिला आहे.
या मासिकात प्रसिद्ध झालेल्या स्वातंत्र्यवीर सावरकर यांच्यावरील दोन लेखांना भाजपने आक्षेप घेतला आणि संबंधित अंक मागे घेण्याची मागणी केली होती; परंतु कॉंग्रेसने मासिकाचा अंक मागे न घेण्याची भूमिका घेतली. त्यामुळे रणजीत सावरकर यांनी कॉंग्रेसच्या विरोधात 100 कोटी रुपयांचा अब्रुनुकसानीचा दावा दाखल करण्याचा इशारा दिला आहे. त्याचबरोबर या प्रकरणी कारवाई करण्याचे आवाहनही त्यांनी मुख्यमंत्री उद्धव ठाकरे यांना केले आहे. कॉंग्रेस नेते राहुल गांधी यांच्या सावरकर यांच्याबद्दल केलेल्या एका विधानामुळे वाद निर्माण झाला होता.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.