रेंगे, देशमुख परभणीतून तर वरपुडकर पाथरीतून इच्छुक

 रेंगे, देशमुख परभणीतून तर वरपुडकर पाथरीतून इच्छुक

परभणी : आगामी विधानसभा निवडणुकीसाठी परभणीतून कॉग्रेसचे माजी खासदार तुकाराम रेंगे पाटील व माजी आमदार सुरेश देशमुख हे इच्छुकांच्या यादीत आहेत. तर पाथरी विधानसभा मतदार संघातून माजी राज्यमंत्री सुरेश वरपुडकर यांनी उमेदवारीची मागणी केली आहे. काही महिन्यावरच आलेल्या विधानसभा निवडणुकीची चाचपणी सुरु झाली आहे. 

राष्ट्रवादी कॉग्रेसने मुंबईत पक्षाध्यक्ष शरद पवार यांच्या प्रमुख उपस्थितीत इच्छुकांची चाचपणी सुरू केली आहे. त्यानंतर कॉग्रेसनेही इच्छुकांचे अर्ज मागविले होते. त्यासाठी 6 जूलै शेवटची तारीख देण्यात आली होती. या कालावधीत परभणी विधानसभेसाठी सर्वाधिक इच्छुक असल्याचे समोर आले आहे. यात 
परभणीचे माजी खासदार ऍड. तुकाराम रेंगे पाटील, माजी आमदार सुरेश देशमुख यांच्यासह उपमहापौर माजू लाला, माजी उपमहापौर भगवान वाघमारे, नगरसेवक सुनील 
देशमुख, सचिन अंबिलवादे, शहर जिल्हाध्यक्ष नदीम इनामदार, बाळासाहेब देशमुख, रविराज देशमुख, सिध्दार्थ हत्तीअंबीरे, ऍड. मुजाहेद खान, गणेश देशमुख, विशाल बुधवंत, मलेका गफार यांचा समावेश आहे. पाथरी विधानसभा मतदार संघातून कॉग्रेसचे जिल्हाध्यक्ष तथा माजी राज्यमंत्री सुरेश वरपुडकर यांचा उमेदवारीसाठी एकमेव मागणी अर्ज आला आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com